專欄｜愛華頓財政狀況不妙了

剛剛4月，愛華頓公布2022至23球季財政報告，截止日期為2023年6月，比上一個球季蝕多咗超過兩倍，由2021至22賽季的約3,820萬鎊到22至23賽季的8,910萬鎊，可以話係非常之誇張。

改制後，英超球會必須在3個賽季間蝕少於1億5百萬鎊，每個球季少於3,500萬鎊就係最穩陣嘅方法，拖肥糖依家已經損失咗8,910萬英鎊，未來只係剩番1,590萬鎊兩年慢慢去蝕，睇嚟超支係必然嘅事。

要追究點解愛華頓會落得如此下場，最主要2019年愛華頓班主莫斯利家族希望起新球場，佢話有私人市場會提供3億5,000萬鎊，咁之後發生咩事？當然係俄烏戰事，令到3億5,000萬鎊就付諸流水，因為Farhad Moshiri係USM Holdings前主席，USM Holdings係俄羅斯企業，無晒投資者都係正常。然而去到2023年1月仍然話無事，球會係唔會賣，佢可以自己一個人搞掂晒。但事實當然唔係咁，佢已經瘋狂搵資金，問咗JP Morgan同MUFG，去籌集5億鎊起新球場，結果都係搞唔掂。

所以下一步就係問人借錢，問咗一間離岸公司RMF，到4月為止，欠款超過2億英鎊，RMF透過葛迪遜公園周圍嘅資產批出貸款，令到愛華頓每個星期都還幾十萬英鎊出去。
周圍撲水起球場

另一間就係MSP，亦都借了1.6億鎊起新球場，而本身買家777亦貸款咗兩億鎊俾愛華頓繼續運作，而777最後唔買，對愛華頓雪上加霜。

愛華頓依家嘅情況，其實都係拖緊，好似以前亞視就嚟執笠嘅時候，都係等緊白武士出手。Willlhappy

-----

《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ