星8卦丨「大少」虐待「嬌嬌」遇上「大爺」相逢恨晚愛得痴纏

2024-06-04 11:30

因為「大少」對自己一啲都唔好，講到底「嬌嬌」當年都係一個天之驕女，只不過覺得嫁入豪門係任何女星嘅終生任務，「嬌嬌」唔敢話唔係貪慕虛榮，但入咗豪門至知真係好艱辛。

「大少」一直好花心，好彩奶奶夠惡，講到明唔准畀人知，免得有失屋企面子，但「大少」對「嬌嬌」呼呼喝喝就難免，有時仲要郁手郁腳。「嬌嬌」好歹都係一個又靚又溫柔身材又好嘅女人，城中另一個「大爺」一直畀老豆鬧冇用，又唔夠細佬叻，所以心理上有啲唔平衡，連個老婆都係老豆揀畀佢，完全冇乜愛存在，最慘係對方都係生唔到仔，精神都出咗問題。

兩顆都唔快樂嘅心相遇之後，雖然「嬌嬌」年紀比「大爺」大咗成10年，但兩個人好啱睇，「嬌嬌」知道「大爺」好壓抑，兩個人好坦白咁交心，互相安慰，初時都無肉體關係，因為知道咁樣會一發不可收拾。

直到兩個人暗交咗成年至敢放縱，可惜係難捨難離期間，「大爺」終於可以再做老豆，仲係生咗個仔添，對「嬌嬌」嚟講都係一個打擊，不過大家知道係時候分開，回歸自己嘅家庭，「大爺」呢幾年定時定候都會入啲錢俾「嬌嬌」，所以身邊人至知呢段不倫戀，以「大爺」咁孤寒，肯對一個無乜關聯嘅女人咁大方，又點會唔令人懷疑有路，件事咪咁樣被踢爆囉！

其他文章：

星8卦｜「高瘦」被阿媽逼嫁入豪門奶奶自出自入無私隱搞到情緒病

星8卦｜「霸姐」食盡小鮮肉想定落嚟招惹「扮嘢」痴戀唔敢落疊

星8卦｜「動物」同「生姐」拍拖盡使衰咸濕斷正被飛抵死

----------------------------------

緊貼最新最快新聞資訊，請立即下載星島頭條App：https://bit.ly/3Q29Vow

關鍵字