4孩港爸千字文控妻子出軌 揪心苦況逐樣數：「事隔半年，真係跳唔到出嚟！」｜Juicy叮

一名港爸近日在社交平台發文，以逾千字控訴相伴20年的妻子出軌，目前僅靠他一人獨力撫育4名年幼子女，身陷苦境，一字一淚，揪心感人，掀起大批網民熱議。

該港爸於上周一（5月27日），在「香港外遇出軌關注組」FB專頁發帖抒發鬱結。他披露半年前，如何發現妻子多次出軌，和目前身陷絶境的慘況，港爸的4名子女，最年幼僅4歲，以下是千字控訴文的要點：

男人最痛！4孩港爸控妻子出軌 千字控訴文要點如下：↓↓↓↓

男人最痛！4孩港爸控妻子出軌 千字控訴文要點

「事隔半年，真係跳唔到出嚟」

「同我老婆一齊20年，有四個小朋友，」

「我賺嘅錢全部用晒喺個家度，」

「我對佢係百分百信任，我從來都唔睇老婆手機，」

「有一晚佢開着微信瞓覺，咁我就多事睇吓，」

「見到佢send咗好多性感相俾人，我都知肯定出咗事，」

「再睇上去，見到佢同人開房嘅自拍，」

「即刻捉咗佢起身打咗幾巴，」

「佢同我講只係一次，玩吓，分咗手，」

「佢叫個女求我原諒佢，」

「我衰心軟，冇趕走佢，10日冇同佢講過嘢，」

「去到第11日，佢叫個女同我講佢要加班，返唔到嚟煮晚飯，」

「我冇理到，當晚我又偷偷地睇佢手機，」

「原來佢冇返工，去咗搵奸夫......」

「點解可以咁樣？佢又嚟求我原諒佢，」

「我即時叫佢send我哋1家6口張相俾個奸夫，佢有照做，」

「我嬲得滯又打咗佢幾巴，今次佢報警拉我，」

「我有禁制令，開庭前唔返得屋企（21日），」

「喺呢段時間，我查咗佢戶口，」

「原來佢每個月都會用五、六千蚊買嘢俾嗰奸夫，」

「我啲錢係好辛苦賺返嚟，養咁多個小朋友，」

「原來佢做啲咁嘅事，成日同我講冇錢，」

「俾啲仔女食杯麵，原來拎晒我啲家用去貼仔，」

「我上完庭，判咗36個月守行為，」

「其實我已經原諒咗佢，」

「我返咗屋企之後，想同佢好好地傾吓，」

「點知講唔夠兩句，佢執嘢走話要離婚，」

「我心諗由得佢冷靜吓，點知，」

「原來當晚佢又約咗第二條仔睇戲，」

「仲要俾我啲同事撞到正影埋相，究竟佢有幾多條仔？」

「當晚我就離家出走，留低啲仔女喺屋企，」

「佢即刻返咗嚟，接咗啲仔女走，到我返屋企嘅時候，已經冇晒人，」

「原來佢哋搬晒去宿舍住，」

「住咗唔夠一個禮拜，就有男仔送佢返宿舍，即刻俾人趕走，」

「佢哋五個人冇辦法，返咗去佢老竇度住，」

「佢一樣日日出去玩，俾啲仔女食杯麵，」

「啲仔女終於忍唔住嚟求我接佢哋走，我又衰心軟，」

「我接咗佢哋返嚟又要返工，」

「終於俾人捉到我疏忽照顧兒童，連份工都要辭埋，」

「冇工開啲小朋友食咩？」

「佢湊小朋友嗰個幾月，我一直有俾錢同家用佢，」

「我一月接返啲小朋友返嚟到今日，佢一蚊都冇俾過啲小朋友，」

「四個月啦，我真係頂唔住，」

「啲小朋友每個月要洗我三萬蚊，」

「依家連份工都冇埋，真係唔知點算」

「（妻子是）香港（人），佢15歲跟我到而家」

「我大佢四年......係我唔夠時間陪佢」

「我大仔同大女都唔係細路哥，」

「佢哋知道媽咪做咗呢啲事，仲唔要佢哋，」

「佢哋自己主動封鎖咗佢，」

「就係因為呢件事，佢上個月返嚟打咗個女，」

「搞到件事越嚟越嚴重，」

「佢媽咪依家好似黐咗線一樣，又有新男朋友，」

「每日周圍飲飲食食，仲要發微信俾我知道，」

「我都識好多人偷食，但冇諗過嗰個係我，」

「最細嗰個得四歲，條路真係好長。」

「媽媽（指港爸妻子）掛住返工同拍拖，當佢哋好似狗一樣咁樣養，」

「放低兜飯俾佢哋，食就食，唔食就食杯麵。」

「社區中心只照顧11歲以下，」

「社區保姆係好平，但係唔係一定有，」

「依家佢哋媽咪突然間走咗唔理佢地，」

「我覺得小朋友心理影響好大，所以想自己陪伴佢哋先，」

「四個小朋友加埋我洗三萬蚊，只係飲飲食食同埋交費，」

「保護兒童科嘅社工，佢淨係不斷問我點樣好可以保證啲小朋友安全，」

「叫我將啲小朋友交俾社署看管，叫我去返工咩都唔使理，」

「如果我再疏忽照顧兒童一次，就唔會俾我接返啲小朋友一齊住」

「佢（指妻子）一定係唔要，仲話只會請個工人比我，其他唔會理」

「我老婆都幾靚女，但係我唔明佢點解要搵個阿叔，」

「仲要同我同月同日出世」

（有網民勸：算啦師兄，女人無咗可以再搵）「一拖四點樣搵」

「依家（妻子）又有新仔，我地仲未搞好離婚，佢都夠膽發微信」

（有網民問：點解妻子用微信唔係用wtsapp？）「我估因為微信冇電話號碼，冇咁容易上身」

「佢（妻子）（去年）11至12月照顧咗佢哋（4名子女）一個月，」

「之後都係我自己一路返工，一路教佢哋學習，」

「佢一定係唔會要啲小朋友」

（回應網民打氣）「大家加油！」

 

港爸說，妻子是港人，「佢15歲跟我到而（依）家」，「我大佢四年。」他們育有4名子女，分別為14歲、11歲、8歲和4歲。

他應網民要求，出示了兩張他從妻子手機中找到，妻子與懷疑出軌對象的親暱合照。

由於港爸知悉妻子出軌時，情緒激動，曾對妻子動粗，妻子其後報警，港爸最後被判36個月守行為。

應網民要求出示妻子與奸夫親暱照

他表示，「佢（妻子）叫個女求我原諒佢，我衰心軟，冇趕走佢」，未料妻子繼續出軌，而且不斷更換出軌對象。港爸更發現，妻子每個月都會從家用中，「用五、六千蚊買嘢俾個奸夫」。年初分居時，由妻子照顧4名年幼子女，但是，「（妻子）當佢哋好似狗一樣咁樣養，放低兜飯俾佢哋，食就食，唔食就食杯麵」，他其後接回子女獨力照顧，並因此被迫辭去工作。

他無奈說：「我都識好多人偷食，但冇諗過嗰個係我。」「事隔半年，真係跳唔到出嚟。」「（子女）最細嗰個得四歲，條路真係好長。」他表示其個案目前由社署跟進中，未來日子「好大機會係返兼職+拎綜援。」

網民紛紛留言為港爸打氣，「悲劇，但係捱過就好，仔女大個會知道。」「加油！你可以的。」「這種痛，能理解。」「為咗仔女撐住！」

不少網民亦呼籲面對伴侶出軌，絶不應訴諸暴力，「我知你好嬲，不過打女人，講到天腳底你都係唔啱。」「衝動累事，郁手就輸了。」「無論點，打人就唔好。」

目前，社會福利署及非政府機構為離異家庭，提供一系列支援服務，詳情可按此瀏覽。

同場加映：油麻地捉姦｜悍妻猛踢倒地「爛滾夫」：咁醜樣都同佢瞓？丈夫居然咁答↓↓↓↓

油麻地捉姦｜悍妻猛踢倒地「爛滾夫」：咁醜樣都同佢瞓？丈夫居然咁答

（影片全長約38秒）