小肥開Show挑戰着8吋高踭鞋邊唱邊跳 出櫃令心態轉變放低心魔乜都試丨獨家

入行17年的小肥，趁住本月13日48歲生日，舉行一連兩場《「完全變態」演唱會》，用「完全變態」全因他自2020年出櫃後，心態逐漸蛻變，放低好多包袱，期待演唱會呈現不一樣的自己，所以會作出多個新嘗試，包括挑戰着8吋高踭鞋邊唱邊跳。採訪：杜杜 攝影：Stanley、林賓尼 髮型:Bowie Lo@Admix Hair Styling 化妝:Yen Lai

隨心做人的小肥開心接受挑戰，「面對演唱會唔緊張，只有興奮同期待。」

演唱會加入LGBT元素，會用代表的彩虹6色。

小肥讀書上科學堂了解昆蟲進化蛻變，有完全變態階段，亦曾以此主題做大學報告，直到今次演唱會開會才閃過這個主題，他認為跟心態轉變有關，「以前有變化都未至於完全變態，呢次就食得起呢個名，除咗外觀同表演上有唔同，心態都唔同晒。」他坦認出櫃是心態轉變最大契機，「好似2022年演唱會，包袱慢慢卸下， 其實包袱係自己畀自己，心魔嚟。」

2020年小肥接受陳志雲訪問，承認同志身份。

2022年《「撐」小肥演唱會》令小肥放下包袱，學懂享受舞台。

學識愛自己隨心做人

演唱會分兩部份，首部份重溫熟識的小肥，另一部份就會呈現「完全變態」的小肥，「就係心底入面好想show出嚟嘅小肥，即係好鍾意快歌，啲衫好浮誇好花枝招展，仲要成part有12、13隻歌又唱又跳，中間唔會停。」 當中最難是要挑戰着8吋高踭鞋跳唱，「之前未着過，搞到腳趾尾生雞眼，最難唔係記步法係柔軟度，而跳得優美仲有個絕招就係趴低。」雖是入行最難表演，但他越練越有信心，「中學曾經組過舞團，所以我係有個跳舞靈魂喺度，播住音樂就跳到。」

小肥着8吋高踭鞋練舞，首要學識行路。

影演唱會宣傳相，小肥着的高踭鞋未算太高。

學識愛自己、隨心做人的小肥，更有信心挑戰以前不可能的事，「完騷去旅行，想去台灣唱啲細細哋嘅live house，我見王嘉儀唱完幾開心，叫佢幫我物色。」他以往會被好多想法綁住，𠵱家當然唔同晒。「會諗好多低能嘢，如對方冇Budget買唔到機票，其實去得唱都唔係為回本，想過癮或者宣傳吓，自己畀錢咪得，點解唔做啫，以前唔會諗到。」

小肥為演唱會努力減肥健身，操fit自己應付跳唱部份。

小肥親自設計演唱會紀念品，包括身上的T恤。

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

 

想睇更多精彩內容，請立即瀏覽「區區有申訴」活動專頁，https://bit.ly/41hgS9E

 

《星島頭條》新網站有更多精彩內容：http://www.stheadline.com/