專欄｜蘇格蘭太弱 並非德國強大

德國剛剛喺揭幕戰以5:1大炒蘇格蘭，表現得十分輕鬆，而係咪可以顯示出佢哋係今屆冠軍十拿九穩呢？

德國要將卻奧斯拉後成三中堅方便佢哋後場Build up，而將兩閘壓前，3個攻擊手回撤令到卻奧斯有空間可以傳番波上去，基本上每次組織都有4至5個選擇，而最慘蘇格蘭嘅遮線係完全無效，同時亦都唔逼卻奧斯做選擇，令到佢上腳好輕鬆，毫無壓力之下可以選擇多條線，從而令進攻非常之有效。

其實德國係最怕Transition play嘅球隊，但係蘇格蘭毫無還擊之力，完全受制於德國嘅逼搶，左右兩邊亦都無一啲快翼，可以有效威脅德國嘅防線，最恐怖就係連安德魯羅拔臣都力有不逮，我本來以為佢可以為德國後防帶嚟一啲衝擊，點知西區走廊同東區走廊一樣全線被堵塞，尋晚係《Lucky688》提起佢個名都係寥寥可數，分分鐘係球場隧道見到佢嘅時間仲多。

所以話不是德國太強，而是蘇格蘭太弱，才是真正的道理。小組賽3分，睇嚟我都要自己打番自己一巴，德國今屆小組賽應該出到線。Willhappy

-----

《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ

 

↓最新精彩消息盡在歐國盃專頁↓