Sica 鄧家杰度埋舞台劇內容再玩《造星》 《Di-Dar音樂劇場》跟杜曦駿大搞三角戀丨獨家

何洛瑤（Sica）、鄧家杰（Kakit）和杜曦駿（Larry）將於8月首次合作演出舞台劇《Di-Dar音樂劇場》，除大搞三角戀，還會組隊參加《全民造星》，他們都大呼好玩又有挑戰。採訪：杜杜 攝影：Stanley 造型: Yee Li@Soul Meen、Doro Lee 髮型:Jo Lam、Abby Ho&Geminie@Salon Trinity 化妝:Manman、Sapphire Shen、Kae Li 服裝:Issey　Miyake、SANDRO、i.t、Rickyy Wong Studio、Charles&Keith、PEDRO、SOLO HK、eillop 場地:涌景Vibe Studio

劇中Larry鍾意Sica，但Sica卻愛Kakit，大搞三角關係。

劇中Larry鍾意Sica，但Sica卻愛Kakit，大搞三角關係。

2021年，Sica甫完成《造星IV》便首度參演風車草劇團的舞台劇《通菜街喪屍戰》（加料版），相隔3年再跟劇團合作，她相當期待，「上次有啲到喉唔到肺因為得1場，又好似張白紙咁咩都唔識好驚青，想講嘅嘢唔敢講，今次會大膽啲一齊去撞吓。」劇中她跟《造星》導師梁祖堯再續「父女緣」，演一個有性格又有理想的少女，「阿祖係做打齋，嗰行嫌女仔污糟唔畀做，我就好想打破傳統，咩法術嘅嘢都去學，係個好硬正好型嘅角色。」

Sica訪問前一晚左眼被蚊咬致眼腫，唯有變「獨眼龍」現身。

Sica訪問前一晚左眼被蚊咬致眼腫，唯有變「獨眼龍」現身。

Kakit為斯文角色努力減磅，「想瘦啲冇咁多肌肉。」

Kakit為斯文角色努力減磅，「想瘦啲冇咁多肌肉。」

劇中Larry要首次挑戰唱歌，「好擔心，要搵老師惡補。」

劇中Larry要首次挑戰唱歌，「好擔心，要搵老師惡補。」

期待劇中再戰《造星》

老友鬼鬼，經常一齊拍跳舞片的Kakit和Larry，今次首度合作演出兼編舞。劇中兩人表面好Friend，但齊對Sica有感情，內心好矛盾。Kakit說：「我個角色係斯文內歛，佢就妒忌我外形，但我就羡慕佢咁努力去追夢，我係個成日自我懷疑，收埋好多嘢喺心入面，唔講出嚟，覺得冇人會明。」平時講嘢都唔多大聲的Larry，要挑戰火爆角色，「角色真係同我反差好大，因為見到Kakit個外形會好自卑，我鍾意嘅Sica又鍾意佢，所以會好妒忌唔開心，好忟憎好嬲自己。」

《Di-Dar音樂劇場》將於8月演出。

Sica和Larry早在舞台劇《通菜街喪屍戰》（加料版）跟梁祖堯合作。

Sica和Kakit分別參加《造星IV》和《造星V》入行，劇中他們會聯同Larry組隊參加《造星》，三人都覺得好有趣。Kakit說：「好神奇又參加過，當日係孤身作戰，𠵱家有死黨一齊，仲要有三角關係，參賽內容係阿祖畀我哋嘅功課，要我哋一齊度，應該會做啲好獨特嘅嘢，好期待。」

Kakit期待在音樂劇中，可以再參加《造星》的機會。