港股季結或低開高走｜古天后

6月28日，大致天晴，但局部地區有驟雨，初時有一兩陣雷暴，日間天氣酷熱。市場等待美國兩位總統參選人首場電視辯論，以及今晚重要通脹數據公布，美股三大指數周四反覆回穩，美市收市好淡爭持，道指僅升36點或0.09%，報39164點；標指微升4點或0.09%，報5482點；納指升幅收窄至53點或0.3%，報17858點。重磅股中，亞馬遜市值周三首次突破2萬億美元，隔晚股價再升2.2%，Netflix及Meta分別升1%、1.3%。晶片商美光科技（Micron）業績理想，但市場唔收貨，市場唔收貨，仍未能滿足好友的期望，股價急挫7.1%，Nvidia亦跌1.9%。連鎖藥房Walgreens Boots Alliance警告零售環境轉壞並調低業績展望，股價急跌22.2%。

摩根大通稱，聯儲局銀行壓力測試低估摩通虧損數字，如果按照當局假設，摩通嘅虧損將會更高。金融股普遍受壓，高盛下跌2.2%，Visa滑落2.6%，為跌幅最大道指成份股，摩通則回升0.9%。高盛嘅經紀部門數據顯示，對沖基金本月淨拋售美國科技股嘅規模，係自2017年有統計以來最大，當中，重災區係半導體及半導體設備股，其次是軟件及互聯網股，反映市場對高估值嘅板塊，有強烈食糊訴求。

美滙指數曾一度突破106水平

美國聯儲局決定延遲減息後，以及今年減息次數減至一次後，美元開始轉強，刺激美滙指數周三曾一度突破106水平，離岸人民幣更跌至今日只有7.3水平，自4月底累計貶值約2%，觸發港股於期指結算日大跌，恒指下跌373點或2%，收報17716點，由5月20日高位計已回調11%，陷入調整區。不過，即使美匯指數升至由去年10月初至今下降軌受阻，回落至106水平之下，但港股ADR未有反應，夜期跌至17500水平，ADR則再跌近百點至近17600水平，今早黑期跌幅收窄，但仍處於17700水平之下。加上內地債息持續下滑，債價持續上揚令投資者棄股買債，A股近個多月成交明顯減少，上證失守3000關，已再下試2900關，為港股增添下調壓力。預期今日6月季結恒指低開，或下試250日線找17540點支持。不過基於季結因素，唔排除低開高走，推返高少少做季結，但17900周本一開市價左右，已有阻力。

古天后