談判專家丨吳鎮宇笑言時日無多想搵新導演合作 想青雲做永恆對手以後無憂 彭秀慧榮幸同三大型男合作
2024-06-29 15:15 
電影《談判專家》截止今日（28日）為止票房衝破1600萬，有份演出的吳鎮宇與彭秀慧昨晚（28日）到戲院謝票。吳鎮宇透露剛從內地回來謝票，盡演員責任，稍後要返北京出席首映。問到對票房可感滿意？他說：「好滿意，票房係重要，但觀眾話好先飲得杯落。（獲得好評？）開續集囉！」談到劉青雲早前建議拍喜劇版《談判專家》，吳鎮宇笑指青雲最喜歡拍喜劇，自己沒所謂，什麼題材也拍，尤其新導演。他說：「我哋係全身奉獻，因為我時日無多，難得佢哋唔嫌棄。新導演好似開度門畀我吸到新鮮空氣，佢哋諗嘅嘢係黃金時間嘅電影唔會出現，希望可以有下一個嘅許鞍華同徐克出現。」吳鎮宇又指商業片已經有人維持中，但新導演拍第一、二部後就決定到能否走下去，才可幫到電影發展。
提到青雲指吳鎮宇不介意其他人畀他好戲，但不能比他靚仔同chok樣。吳鎮宇說：「我希望佢係我永恆嘅對手，佢已經係我永恆嘅朋友，做埋我對手就無憂、安樂晒！啲獎佢攞，我做靚仔！唔好打破我不勝嘅紀錄。」彭秀慧對於跟三大型男劉德華、劉青雲與吳鎮宇同場演出，她笑言要紀錄下來，覺得很榮幸，下次要請導演邱禮濤吃飯。當提議一齊拍續集，她自爆戲中角色已死，在旁的吳鎮宇笑指彭秀慧的角色女兒色誘他們再復仇，並笑謂不少韓劇有類似狗血劇情。
最新回應