星8卦丨「專業」花心亂媾仔 追唔掂「少爺」搞鬼自取其辱

好多人都勸「專業」唔好再糾纏，畢竟佢真係唔啱「少爺」胃口，一直希望對方會媾自己，真係有啲痴人妄想。「專業」出嚟嗰陣好多媽媽粉，但一次唔覺意畀人影到同大學同學喺公眾場合做咗啲過位行為，最慘係「專業」以為自己易晒容就無人認得，偏偏影相嗰個鬼咁眼利，認到佢所以留晒證據。

相關閱讀：星8卦丨「姐姐」難忘初戀借錢助度難關 難得老公明理作支持

其實都無乜嘢嘅，呢個年代大家都好麻木，鍾意咪鍾意囉，喺愛情世界中係無對錯，只要夠膽就得。弊在「專業」份人都比較花心，好地地同個青梅竹馬咁多年就好好哋行落去啦，但佢入咗行就好似隻彩雀咁四圍去沾花惹草，到處留情。其實佢份人真係咁，只不過以前無咁多人任媾啫，「少爺」係佢哋嘅世界出晒名肯承擔又捨得，所以「專業」一直搵機會埋佢身。

終於有次可以大膽表達，點知「少爺」同「猛男」仲係愛得火熱，完全當「專業」透明，自此佢就好唔忿氣點解人哋唔吼自己，成日幫「少爺」製造假消息，搞到佢都一頭煙。「少爺」心裏有數認為自己夠紅夠面，唔同你啲後輩計較，反而最近開始向同「專業」有過一手嘅「太子」埋手，有乜好過我唔媾你去追你嘅舊相好，呢種咪另類報復，咪以為搞我咁開心！

其他文章：

星8卦丨「男主角」唔鍾意出街 賴老婆妻管嚴扮無奈小男人

星8卦丨「才女」最愛人夫 遇「激進」大打出手嚇到「大哥」「才子」避走

星8卦丨男人愛後生女幫忙傳宗接代 導演一二號棄糟糠一齊做老豆

星8卦丨「高妹」扮鍾意女人呃「小姐」好食好住唔捨得分手

星8卦丨「公子」搵名媛姐仔過橋呃父母 被踢爆唔做戲直接出櫃

星8卦丨「禿頭」樣醜但識氹女「長面」唔夠「妹妹」爭輸得好失禮