楊玉梅上7日堂焗到頭痛出晒熱痱到窮鄉僻壤扶貧教小學生做戲丨獨家

2024-07-05 08:00

入行超過35年的楊玉梅(士多啤梨)最近隨德基金慈善團體到廉江扶貧，最大挑戰是被委任做短期小學生戲劇老師。合共7天嘅支教(支援落後地區鄉鎮中小學校教育和教學管理工作)旅程，令士多啤梨體會到香港學童好幸福，她更語重心長叮囑，既然有好嘅學習環境讀書，小朋友要努力向學，不要浪費時間，因為幸福唔係必然。採訪：方騫平

楊玉梅展示簡單飯餸。

師生在學校食足3餐。

饍食唔算豐富。

清茶淡飯。

早餐食粥。

大塊肉。

粥水。

湯麵。

士多啤梨大受當地學童歡迎。

士多啤梨隨德基金慈善團體到廉江扶貧。

士多啤梨教到七情上面，有埋肢體動作。

士多啤梨被開心小女孩攬到實。

一班小朋友向她索取簽名。

在酒店冷氣風口位晾衫。

課室內只得幾把風扇撥涼。

楊玉梅心地好，最近跟9位來自內地唔同地方的支教老師，長途跋涉到窮鄉僻壤的廉江，義務教導小學生。首次執教的士多啤梨戰戰兢兢：「本身唔敢嘗試，好彩我只係負責興趣班，教40位小三學生做戲，經驗搭夠仲可以應付得嚟。」

楊玉梅演戲有豐富經驗。

寓工作於娛樂。

同行有9位來自內地唔同地方的支教老師。

學生在𠊭堂用饍。

楊老師受學生愛戴。

身體力行扶貧。

楊老師教學生畫畫。

支教行程係好體會。

學生好期待支教老師來臨。

老師們都熱到傻。

楊老師表示同學中有啲好怕醜；亦有搞事小朋友，「所以日日大聲叫佢哋耐心聽書，嗌到聲都拆，不過，佢哋算乖嘅。」士多啤梨每朝跟學生排戲，準備喺最後一天全體上台表演：「我哋每朝早5點起身出發，坐半小時車到學校，做完早操就開始教學，每日3餐喺學校同學生一齊食啲簡單飯菜，落堂後就要開檢討會，做完晒嘢先返去一星級酒店休息。因為當地時睛時雨變得好焗，我焗到經常頭痛，加上學校冇冷氣，得幾把風扇仔撥涼，個身濕完又乾，乾完又濕，搞到全身出晒熱痱，夜晚返到酒店仲要馬上洗晾內衣褲及制服，趕及翌日有得着。」

學童依依不捨流淚

提到最難忘片段，楊老師指校內小朋友每朝見到車隊到場就表現興奮，仲會拖住老師隻手去玩，甚至離別一刻依依不捨落淚：「最搞笑有小朋友好奇問我：『你係明星？拍過甚麼戲？可否同我簽名影相呀？我爸媽可能看過你演出。』我係咁俾佢哋圍住簽名，簽到手都軟，但感覺好得意。」最後她有感而發，希望香港小朋友喺好嘅學習環境下珍惜學習機會，努力讀書。