文頌男逝世丨影后11字留言送別 拍檔女星停工兩星期：將來返到公司唔知點樣面對

前J2節目《不正常愛情研究所》主持文頌男（Koba）去年確診罕見的尤文氏肉瘤（Ewing's Sarcoma），唯近日病情轉差，昨日（14日）下午病逝，終年僅29歲。文頌男生前藝人好友兼拍檔陳栢昕痛憶兩人相處，並宣布暫時停工；影后Stephy鄧麗欣亦在IG Story貼文悼念。

相關閱讀：文頌男逝世｜逝世前3個月受訪 樂觀面對「治療無效」 憶父因情婦拋妻棄子由媽媽獨力撫養：對佢好愧疚

藝人悼念文頌男：

前J2節目《不正常愛情研究所》主持文頌男（Koba）因癌正離世，終年僅29歲。

文頌男生前預先撰寫遺言，今日晚上10時公布離世消息，令人心酸。

Stephy鄧麗欣在IG發文悼念文頌男。

Stephy鄧麗欣在IG發文悼念文頌男。

陳栢昕（Yanice）日前才與文頌男拍片。

陳栢昕（Yanice）日前才與文頌男拍片。

早前又為文頌男慶祝生日。

文頌男與陳栢昕感情好好。

陳栢昕（Yanice）在IG貼出握着病床上的文頌男的照片，痛憶兩人相處點滴。

陳栢昕亦在IG宣布停工。

陳栢昕過往也曾到醫院探望文頌男。

吳兆麟曾與文頌男一起主持前J2節目《不正常愛情研究所》，他表示昨晚得知消息後也睡不着。

吳兆麟表示雖然兩人雖不熟，但當年就覺得對方是一個很健康和開心的人。

今年26歲的吳兆麟又指今次是第一次經歷朋友離世，所以也有嚇一嚇，因為沒想到事情來得那麼快，自己也感傷心，並指會出席對方喪禮。

文頌男（右二）憑主持J2節目《不正常愛情研究所》而為人熟悉。

 

近日爆新戀情的Stephy鄧麗欣昨晚在IG Story貼文悼念文頌男：「願頌男，離苦得樂，往生淨土。」鄧麗欣與文頌男工作上並無交流，過往亦似乎不見二人有互動，甚至IG亦未有追蹤對方，相信是見新聞後，也為文頌男未滿30歲就驟然病逝感到可惜。

吳兆麟曾捐款助文頌男

吳兆麟曾與文頌男一起主持前J2節目《不正常愛情研究所》，他今日（14日）出席活動受訪，對於文頌男昨日離世表示，昨晚知道消息後心情沉重也睡不着，雖然兩人雖不熟，但當年就覺得對方是一個很健康和開心的人，之後得知對方生病亦有傳訊息問候，又謂知對方因沒買保險而沒有得到最好治療故覺很可惜，而當時自己也有募捐。今年26歲的吳兆麟又指今次是第一次經歷朋友離世，所以也有嚇一嚇，因為沒想到事情來得那麼快，自己也感傷心，並指會出席對方喪禮。

相關閱讀：前J2患癌主持文頌男離世 終年29歲 近日病情惡化今午病逝後事從簡處理

 文頌男談抗癌經過：

文頌男（右二）憑主持J2節目《不正常愛情研究所》而為人熟悉。

文頌男去年12月自揭患罕見的尤文氏肉瘤（Ewing's Sarcoma）。

經歷五次化療後，文頌男曾宣告治療無效，椎間近盤骨的惡性腫瘤疑有增大跡象。

為免感染病菌加上體力不足，除了到醫院覆診外，文頌男現時甚少外出。

文頌男平日覆診都要Call車，並需全程跪地乘搭。

文頌男（左）早前精神稍好在老友Dean陪伴下回網台辦公室。

由於車廂空間狹窄，文頌男只好拎出自備咕𠱸墊住坐。

文頌男指平時會用自備咕𠱸墊住跪，最初因引來司機奇異目光而感尷尬，後來也慢慢習慣索性豁出去。

文頌男表示，化療後痛感沒初期那麼嚴重：「之前完全坐唔到，而家好啲，所以可以坐到30至45分鐘，視乎座位夠唔夠軟，雖然而家有啲頂住頂住，但都接受到。」

由於腫瘤壓住椎間神經，文頌男指試過下半身持續劇痛30多小時，經化療後本來痛症大大下降，惜後期再次浮現，令他心力交瘁。

文頌男指，劇痛時10分滿分有8、9分痛：「係好多種唔同嘅痛夾埋，譬如放射痛、俾針拮及火燒嘅感覺，主要由大髀到膝頭後面。」

文頌男現時需長期服藥舒緩痛楚，但他說：「而家就算食藥都Keep住2、3分痛，間中會突然持續兩個鐘劇痛，痛到意識模糊。」

文頌男曾接受28次放射治療（俗稱電療）。

文頌男成長路上歷盡坎坷，12歲時父親為菲律賓情婦拋妻棄子，更留下大筆債務。

文媽媽惟有密密做獨力養大一對子女，終於捱到囝囝大學畢業。

文頌男成功考入教育大學，並取得藝術管理及藝術教育雙學士資格。

文頌男成功考入教育大學，並取得藝術管理及藝術教育雙學士資格。 ​

文頌男（中）讀書時期曾到中學實習。

然而實習前一日，文頌男曾因情緒抑鬱而欲輕生：「當然最終冇做到，好唔開心咁去咗間學校，全程都要收埋情緒扮冇嘢，照樣準備好教材去工作，唔想麻煩到人。」

經歷大病後心臟更強大的文頌男豁達直說：「有咩重要得過你就嚟要死？以前好關注或者為啲咩同人嘈，而家都覺得好無謂好少事，最緊要自己活得舒服、開心。」

言談間文頌男一直表現堅強，惟提及家人即難掩情緒數度流下男兒淚。

提到年過60的文媽媽為方便照顧病兒，索性辭去日間工作，晚上8時至清晨6時則做清潔工幫補家計，文頌男嘆道：「我冇工作仲要佢照顧我，自己都好愧疚。」

昔日覺得一切都是理所當然，大病後文頌男（右）才洞悉家人朋友無私付出的可貴，他爆喊說：「有時見阿媽幫我做啲嘢，我會同佢講『媽咪，我好愛你』，以前好少表達呢樣嘢，可能我驚自己時間唔係好多。」

文頌男（中）自幼與文媽媽相依為命，兩母子關係密切，加上早年踏入社會幫手還清債務，目前經濟狀況尚算穩定下來，因此他認為家庭方面算是無憾。

文頌男（中）倒是最牽掛一班死黨。

文頌男（左）指Best friend很依賴他，擔心自己離開後沒人給予對方情緒支持。

文頌男（右）亦表示仍有許多事情想跟戰友們一起做：「可能係一齊拍攝，呢個年紀應該喺工作上可以同佢哋Achieve（實現）好多嘢，但我做唔到。」

文頌男寄語年青一輩努力實踐夢想，「如果好似我咁覺得自己時間無多，你就會發現所有外來壓力同聲音都唔重要，有咩想做想講就唔好再拖，要投入去做，只要Keep住熱誠努力做，係一定有回報同進步。」

到訪問尾聲，雖感前路茫茫，但文頌男仍樂觀為自己打氣：「我一定會好番㗎！」

文頌男曾收到不少圈中人慰問，包括J2高層、《東張西望》主持及電台DJ，其中令他最驚喜的是梁祖堯（圖）的私訊關心。

好友Dean與文頌男由細玩到大，一直視對方為家人，他指平日出現情緒問題、工作遇到困難也會找對方傾訴，「同佢有好多點滴同回憶都好深刻，嗰時佢搵我拍片、一齊去玩，由咩都唔識到慢慢教到我識，希望佢快啲好番，有好多嘢都想繼續同佢做。」

說到文頌男患病後曾表示很辛苦，好友Dean不禁爆喊道：「有時佢有好多唔好嘅念頭，話好想放棄嘅時候，我好想同佢講『你堅持吓得唔得呀』，但我覺得咁講好似好自私，因為我見到佢好辛苦。」

訪問期間，文頌男與好友Yanice（右）不時鬥嘴，後者笑指對方「大細超」對她特別惡。 話雖如此，但Yanice不時到醫院探望文頌男，十分有心。

好友Yanice（左）爆料指去沖繩拍外景時，四日內跟文頌男鬧了兩次大交，原因只為爭房等小事。

Yanice坦言眼見文頌男受疾病纏繞也感心痛，表示無論前路多難行都會一直陪伴對方走過：「以前好多時候都係佢就我多，如果將來冇乜機會一齊拍嘢，我諗我都會幾後悔為啲小事而發你脾氣，希望有多啲時間大家好好相處。」

 

文頌男生前拍YouTube片的拍檔、藝人好友陳栢昕（Yanice）在IG貼出握着病床上的文頌男的照片，痛憶兩人相處點滴：「回想返一年前嘅7月，我哋仲係沖繩拍攝，一年後嘅今日我哋已經陰陽相隔……對我而言，我拍YouTube最開心係可以遇到你。雖然我哋實際認識嘅日子只有三年左右，但已經成為彼此畢生摯友。好開心有好多人生嘅第一次都係同你一齊經歷，第一次攀岩、第一次浮潛、第一次出埠拍攝……」

陳栢昕遺憾多約定未完成

陳栢昕亦表示：「有好多好多事情約定咗一齊去嘗試，亦有好多好多事情約定咗一齊去完成，好遺憾已經再冇機會了……知道失去你我一定會好唔適應，將來返到公司亦唔知點樣面對。但請給我一點時間吧，我答應過你嘅事情我會努力做好，唔會辜負你嘅期望。願你去到另一個世界，沒有病痛折磨，可以開開心心……不負相遇，永遠愛你。」

相關閱讀：文頌男逝世丨上月底曾大呻住公院似坐監 稱被拖症致怪病纏身：冇錢就等死囉

陳栢昕隨後亦在IG限時動態表示，已取消最近幾日的工作：「好抱歉各位，呢幾日我取消晒啲工作、活動同埋好少回覆訊息，令工作上嘅合作夥伴造成不便深感抱歉人我知道我唔應該因私人事影響到公司、PR朋友們及客戶，但我真係好希望可以抽多啲時間陪佢行埋人生最後嘅一小段路。」陳栢昕表示將會全面停工約兩個星期，原定安排的台灣拍攝、書展簽名會等亦已取消，她最後說：「！放心我會好好照顧自己。只係想要啲私人空間同時間。」

 

其他文章：

文頌男逝世丨停工零收工眾籌醫藥費 梅艷芳好友安排專車接送覆診 演藝人協會捐款解困

J2患癌主持文頌男再度入院 早前獲兩猛人援手 怕再被罵急解釋發長文原因

J2患癌主持文頌男病情疑漸趨樂觀？一原因遭網民怒轟：希望畀多啲空間我

J2患癌主持文頌男進行首次電療痛到呻吟 感激獲演藝人協會聯絡提供協助

J2患癌主持文頌男完成化療 撰千字文交代病況：活得好冇尊嚴