TVB前藝員誤墮短訊騙局被盜用XX萬元！與銀行幾番交涉無果 網民：報《東張》啦
2024-07-21 15:35 
現年35歲的前TVB藝員盧峻峯（Alvis）自從離開TVB後，似乎頭頭碰着黑，曾經因為拍《新聞女王》不小心整斷韌帶需要做手術，目前以自由身接工作，有指同時改行從事服務業，他一度稱絕不容易。昨日（20日）盧峻峯在IG發文，因為一筆海外簽帳，坦承自己沉澱了一星期，認為有需要向大家講。
相關閱讀：10年前藝訓班同學為鄭丹瑞慶生 利穎怡入學片撞樣許秋怡變黑歷史
盧峻峯誤墮短訊騙局被盜用15萬港幣：
盧峻峯在IG貼上一張報案紙，原來他誤墮短訊騙局，信用卡被盜用15萬港幣，希望大家都能夠有所警惕、以及注意信用卡的安全問題。盧峻峯撰長文分享自己誤墮短訊騙局的經過，他說：「上星期，我的XXX信用卡被盜用了。兩筆海外簽帳約十五萬港幣。現已報警。事緣我收到個短訊，稱積分就快過期，登記資料途中需要驗證碼，然後就收到個pop up出只有數字，沒有資訊的驗證碼。 輸入後顯示登錄失敗，系統就自動再send一組驗證碼過來，如是者我就再按多次。」他續說：「我懷疑是不是XXX信用卡不支援，嘗試換XX卡再試，當我輸入卡資料後，這次沒有pop up ，而是收到XX 的SMS短訊，上面顯示的是一筆奇怪的銀碼，需要我確認是否要過數，我感到可疑就立刻停止操作。」
盧峻峯質問銀行「等過咗數先至嚟通知」
結果過了5分鐘後，盧峻峯收到XXX保安部致電：「問我剛才是否簽帳了兩筆外海簽帳，我當然答沒有。但銀行說剛才你已經成功過咗數，是透過我們發的SMS驗證碼所批准的。最吊詭的地方是，我立刻查看SMS 紀錄，剛才嗰啲SMS紀錄，好似變魔術咁，離奇地自動消失咗！然後我立刻要求XXX停卡，表示我資料被盜，及終止剛才的交易，並質問銀行點解過咗數先通知我？面額唔係細，講緊有10幾萬，過去我從來都冇境外簽帳紀錄，亦冇大額交易紀錄（本人係一個窮X），點解冇一個門檻動作去核實下先，等過咗數先至嚟通知我？」
盧峻峯稱銀行稱無能為力建議報警
盧峻峯稱銀行方則稱無能為力：「因為已經過咗數，佢哋都係過咗數先知，叫我自行同聯絡商戶要求停止同建議我去報警。我，無語了。於是我漏夜去就近警處報案，但警方表示係境外簽賬，無法追尋，只能落口供做個紀錄，要自行同銀行交涉。我再次無語。同銀行幾番交涉，銀行都冇正面回應過我關於保安漏洞同風險管理嘅問題，只是淡淡然咁叫我等4-6星期由佢哋決定呢兩筆簽帳點處理。」
鄭世豪IG被Hack冒充身分連環問人借錢？
盧峻峯自認窮X十幾萬不是小數目
盧峻峯直言「我真係諗唔到仲可以講咩」並想請教大家：「1. 作為一個小市民，呢個Moment，是否只能夠被動接受銀行嘅處理？2. 我對法律唔熟，請問有冇法律、行業相關人士可以俾到一啲建議我，可以點樣維護自己嘅權益？類似呢類案例，呢間銀行過去都發生唔少，結果都係要求客戶全數承擔款項…我自問都係一個非常之小心嘅窮L，十幾萬對我來講唔係一個小數目，真心，希望大家一定一定要提高警惕，資料一旦被盜，後果就會好似我咁。」
張名雅分享類似經歷
張名雅留言安慰之餘，亦分享了類似的經歷：「我上年去韓國，未出發前我上網用XXXX credit card租車。比咗$8xxx。當我到達韓國機場預備拿車嘅時候發現根本無嗰間租車公司！全部電話打唔通，就算搵到個電話都係長響。立刻上網查資料點知嗰個網站係來開唔到嘅。立刻down咗server。load極都係度load。我同銀行講返我被騙了，佢哋有一個部門/小組專係查呢D fraud。我要提供證據畀比佢地調查。經過咗半年有多，銀行退返筆錢畀我。」盧峻峯亦有回覆：「係呀！所以拎出嚟講，希望大家都可以小心啲！嘩…搞咗半年都幾煩心喎！不過好彩你最後都無事。」孫慧雪亦留言：「真係令人好困擾喎，希望事情快啲解決！」
其他文章：
東張西望丨港婦托女兒櫃員機入錢3萬元變3千元？李旻芳實測揭收據疑點 網民熱議質疑呃媽媽錢
最新回應