森美分享簡單秘訣：唔好令小朋友驚讀書 育成IB榜眼女兒 醫科兒子 丨獨家

森美孻女梁曦童今年IB考獲44分，成為IB榜眼；大仔梁曦樂年前亦喺英國嘅A-Level課程取得4科A*，以高材生姿態返港入讀港大「神科」醫學系。能夠培育一對子女成為學霸，森美分享獨門育兒細節，他堅持唔使PUSH，首要對小朋友有正面回饋，就算唔合格都要讚，以退為進畀到佢哋信心：「細路讀書好重要，唔好令佢哋驚讀書！」採訪：方騫平 攝影：朱偉彥 場地：Oyster Station

阿女咁叻，森美狂掃美味生蠔低調「慶功」。

50歲嘅金牌司儀森美出身自基層家庭。

小朋友肯讀書，作為父母會有個安心。

森美靠苦讀成材。

森美教導子女會以退為進。

森美係古董電單車發燒友。

患有過度活躍症嘅森美，當年會考以1A5B，共25分考上中大新聞和傳理系，加埋名校出身嘅靚老婆Veronica被讚一屋叻人，森美卻唔敢誇讚仔女好叻：「只係小朋友肯讀書，作為父母會有個安心，但唔會冇擔心，呢幾日為咗討論選科及未來路向，媽咪緊張咁問多兩句，個女都會唔開心，兩母女有吵架㗎，我就糾正個女『就算成績好，都唔可以對父母態度唔好。』其實每個家庭唔會所有嘢都好，正如自己以前都好任性，覺得讀大學唔係一切，唔肯着大學袍同父母影畢業相，𠵱家長大咗會有啲後悔。」

就讀聖保羅男女中學嘅森美孻女梁曦童(左後1)，今年IB考獲44分。

森美女兒梁曦童(左1)好享受讀書。

聖保羅男女中學誕生1名取得45分滿分的狀元，及11名取得44分的「榜眼」，當中包括森美的女兒梁曦童（後排左1）。

聖保羅男女中學今年誕生多位尖子生。(相片來自學校網頁)

森美女兒梁曦童成績驕人。(來自學校網頁)

讀緊醫科嘅森美長子梁曦樂，有意成為急症專科醫生。

因為家境問題，森美中3時返出去九龍轉校讀喇沙書院。

森美靚老婆Veronica都係名校德望生。

讀大學一年級時嘅森美。

有快樂就搵到錢

 

目前森美放手畀囡囡決定去英國劍橋大學讀心理學還是留港讀醫：「媽咪梗係想佢留低，可以見佢多啲，我反而建議佢選修音樂，佢由細到大都鍾意音樂，牧童笛及長笛考上演奏級；敲擊樂就讀到8級，有啲嘢唔係用錢去衡量，搵到自己鍾意嘅嘢最重要，擁有快樂人生自然會搵到錢，咁樣就係最幸福。」森美突然又有感而發，指喺學術上經已無能為力教導子女：「兒子成日會更正我講嘅嘢，𠵱家只能教到佢哋做人，因為佢哋嘅缺點來自我身上，唔想佢哋都行冤枉路。」

2017年梁曦童(左1)成為「小太空人計劃」其中一名小太空人。

森美將女兒「寵到上天」。

森美太太陳雅嫻想囡囡留港讀書。

兩母女點親近都會有嗌交時候。

森美太太陳雅嫻帶囡囡見識世界。

 

唔合格都要鼓勵

 

談到獨門育兒法，他認為小朋友首要條件唔好驚咗讀書，並以女兒為例，她由細到大會自動自覺勤力讀書，除咗用唔同顏色筆將筆記寫到好靚，仲會沖杯茶擺好張枱，要有個好嘅學習環境，將讀書變成一種生活享受，唔會考試前才臨急抱佛腳：「我唔會Push仔女死讀書，只會以退為進話『唔使攞滿分，咁高分唔會知道自己錯啲乜，有80分經已拍爛手掌』；囝囝試過中文科得50分，我就讚佢『合格都ok呀，咁想唔想再高啲分？想嘅話仲爭咗啲乜呀？』即使唔合格，我都會鼓勵佢『差1分合格都唔錯呀！想唔想攞埋嗰1分？咁還欠啲乜？』就算只得20分，也說『都有分呀...』用呢個方向教導會較好，企喺佢哋立場提出問題，感覺係錫佢哋，唔係吩咐佢哋做啲乜，佢哋既聽得入耳，又唔會破壞父子關係。」

梁曦童小學就讀聖保羅男女中學附屬小學。

森美話個仔性格最似他。

森美兒子梁曦樂赴英求學後，成績突飛猛進。

森美兒子梁曦樂、孻女梁曦童都係學霸。

「O嘴」小學生似他

 

他又建議家長們因應小朋友特點來學習，唔好介意古怪行為：「我專注力失調會行來行去讀書，越嘈嘅地方，比如喺酒樓，就越集中到精神讀到書，好記得喺廁所讀書曾俾阿媽鬧。」森美尤其提醒家長切忌打鬧問子女「做晒啲功課未？」：「咁樣佢哋每次做功課都唔快樂，只會越做越求其，我經常講笑話『唔好急最緊要快』，心情急求其做，同用心快做好唔同，心急做係唔會享受到做功課嘅快樂。我中一去咗聖士提反書院寄宿，因為冇嘢做，成日坐喺書枱度畫功課，點知越畫越高分，越覺得做功課好開心，從中吸取到知識，第一年考全級15名，才察覺自己原來識讀書，自然對自己有要求，會畀心機去讀，所以要對小朋友有正面回饋，對佢有信心大於分數高低，要教佢哋做人，要對自己有要求，就算讀唔到書都要盡過力。」另外，對於爆紅嘅油天小學生「O嘴」片，森美形容小朋友好可愛：「𠵱家做小學生唔容易，片中表示『讀書係我本份』嘅陳同學打官腔都幾叻，將來係公關人才，會有領導才能，至於後面『O嘴』同學仔係我細個嘅翻版。」

森美大讚3位油天小學生可愛到不得了。

森美扮油天「O嘴」小學生。

森美太太陳雅嫻係索爆人妻。

太太係持家有道嘅賢妻。

森美指太太愛他多過愛自己。

兩公婆好SWEET。

森美老婆陳雅嫻係童星出身。

陳雅嫻係可愛小童星。

父親係退休消防隊，當年將3成收入供森美讀寄宿名校。

森美在《同居蜜友》與梁朝偉有對手戲。

森美在《過街英雄》中做男一。

森美是城中的金牌主持人。

森美唔再push自己做太多嘢。

去奈良餵鹿。

近年森美處半退休狀態。

森美爆老婆唔畀佢退休。

去日本旅行期間，森美坐低等老婆shopping。

森美係滑雪高手。