日圓升值｜市民不介意匯率外遊「冇咩影響」 有人買入一星期放售「有得賺」
2024-08-06 15:15 
日本央行加息，每百日圓兌港元，由曾最低見4.85算後回升5字頭。《星島》記者今日到上環一間找換店視察，見日圓買入價已升至5.34算。午休時間雖然落下瓢潑大雨，仍有市民前來了解兌換日圓情況。
「日本點都會去玩」
市民梁先生指，他已是在4.9時在該找換店預定，數目不多，約幾千港元，認為現時日圓匯率「比較抵」，稱「日本點都會去玩，唱定都冇所謂，都係要使」，日圓升值對外遊影響不大，「升都係幾毫子，又未必真係咁快到6算，依家去都唔會蝕」。
剛剛換完日圓的市民錢小姐表示，之前以為4.9時匯率會持續一段時間，未想到短期內上持續升，所以未有於日圓最低位時兌換更多，「係蝕咗少少」。她亦指今年內有劃前往日本旅行消費，認為現時「唱定」不會蝕太多。
「今日放好似蝕咗」
亦有市民具有投資眼光，看準時機「放yen」。胡太指，上個星期換了200萬日圓，本打算昨日放出，惟因工作錯過時間，「今日放好似蝕咗一千蚊港紙呀」。被問到是否看準時機投資，她則表示自己是「玩玩下」，且不是在最低位買入日圓，但都「有得賺」，又認為日圓還有下跌可能，而港人對日圓需求量亦較其他亞洲國家貨幣更大，未來亦有再次投資機會。
記者：謝宗英
最新回應