李麗珍被囡囡爆係「外貌協會」 見過許倚榕男友唔急抱孫：過幾年先啦！
2024-08-10 20:15 
李麗珍與女兒許倚榕今日（10日）出席髮型屋開幕活動，李麗珍笑言會親自為兒時的囡囡剪髮，囡囡長大後懂得扮靚就自行找專業髮型師。許倚榕則笑謂會上網學化妝又教媽媽，但不會幫對方化妝，皆因自己不是專業。
談到可有興趣做藝人，許倚榕坦言無意做藝人，反而喜歡現職設計工作。李麗珍直言從事藝人辛苦會經歷高低起跌，所以未必承受得到。談到感情狀況，許倚榕承認有拍拖，李麗珍笑言曾見過囡囡男友，又讚外貌幾好。問到可接受囡囡嫁人？許倚榕即搶答笑說：「無得唔接受。」她又踢爆媽媽是「外貌協會」喜歡睇外貌，但自己不急於出嫁。她說：「我仲好後生，唔使急。」不過李麗珍笑言也會視乎男生的人品，又認為囡囡出嫁與否由對方自己決定無得心急。問到可接受將來湊孫？李麗珍笑說：「唔心急，係都過幾年先啦！睇咩環境，湊孫都唔係嘆，要落手落腳湊。」
最新回應