王晶斥周星馳有風駛盡艃！爆女星拍《國產凌凌漆》戲份全被剪 《少林足球》因兩字內地上唔到
2024-08-11 20:00 
王晶最近在新開設的YouTube頻道「王晶笑看江湖」大談與周星馳的關係，昨日（10日）上架的新一集，談到周星馳在做人處事上的問題，導致有很多不必要風波，而他這些決定亦令不少圈中人不滿，甚至連累他人虧錢。
相關閱讀：周星馳被爆《少林足球》合約細節好唔公平？ 王晶：當其他人係狗囉
王晶揭《少林足球》秘聞：
王晶於昨日上架YouTube頻道「王晶笑看江湖」的影片中，繼續大談對周星馳為人的評價。王晶多次讚賞周星馳的才華，卻有感他不懂人情世故，更形容周星馳是「不適合深交的朋友」。王晶過往與周星馳有很多合作，徹底反面後，周星馳依然有不少佳作，但王晶亦聽聞不少周星馳處事手法被圈中人質疑的言論。王晶分享周星馳在拍攝《國產凌凌漆》時開始不顧他人：「《國產凌凌漆》入面其實有好多演員，有啲就唔開心啦，有啲拍咗，唔見咗㗎噃！」他大爆原來《國產凌凌漆》請到白韻琴參演，而且戲份不少，最終戲份卻被完全刪走，王晶說：「拍咗好多日，都冇咗……嗰部戲得70幾分鐘㗎咋！所以你見佢片尾字幕好長㗎，因為盡量想拖長少少。」
相關閲讀：王晶周星馳為錢失友誼？目擊影帝被冷待感不滿 於片場險大打出手：以後都唔好合作
周星馳被封「片場暴君」
王晶透露，周星馳在拍攝《少林足球》時期開始被封「片場暴君」，他說起初周星馳找投資方找很久，最終找到寰宇公司老闆林小明合作，不過周星馳卻提出「不平等合約」，王晶透露：「拍得好好、好突破，當時我都覺得好好嘢！但佢同投資方份合約係絕對唔公平，因為所有版權都歸佢，甚至《少林足球》四隻字都歸埋佢。佢唔畀任何位啲出品人，最後喺金像獎，佢上去攞最佳影片嗰時，林小明太太同時衝埋上去嘅，同佢爭住攞，然後各人發表咗一篇自己嘅講法嘅。林太仲講咗句『公道自在人心』咁。」王晶形容當時場面尷尬、令人覺得「肉酸」。
王晶與周星馳因錢失友誼？
周星馳拒與少林寺談合作
王晶再說一個周星馳不顧他人的例子，他透露當時片名《少林足球》中「少林」二字，其實嵩山少林寺有商業登記註冊，王晶指周星馳團隊擅用「少林」二字令嵩山少林寺不滿：「根本上任何人未經過少林寺批准，係唔准用『少林』兩個字作商業用途。」周星馳團隊未有申請及告知嵩山少林寺的情況下，已經開拍了《少林足球》，電影更在珠海舉行活動，當時已有人通知嵩山少林寺，而嵩山少林寺亦派人前往跟周星馳團隊商討用「少林」兩字作片名的申請事宜，不過據王晶所知，周星馳團隊拒絕商討，堅持用《少林足球》作為片名。
相關閱讀：王晶大爆周星馳整容！因一事令友情生變 揭星爺情史點名兩女星：睇住佢郁手！
《少林足球》未能於內地上映原因曝光
王晶指當時寰宇公司曾提出改片名為《功夫足球》，但周星馳團隊不讓步，最終到準備上映才知事態嚴重，最終因周星馳堅持用《少林足球》作為片名，《少林足球》未能在內地上映，導致寰宇公司損失上億計收入。王晶表示雖然他亦認同《少林足球》作為片名的確比較好，但不認同周星馳的做法，「呢個有啲過份，『我任性、我係都要咁』，我諗佢係覺得『你應承咗我㗎嘛』、『我話事呀嘛』、『我話事就係咁喇』、『少林唔應承，大陸咪唔好做（上映）囉』、『你蝕本關我咩事，我攞咗我份錢啦嘛』。」王晶指周星馳「有風駛盡艃」，他說：「人哋畀咁多錢出嚟同你拍部戲，大家好來好去啦！冇需要搞到咁。」
《少林足球》本來沒有吳孟達參演
王晶更分享，《少林足球》本來並沒有吳孟達參演，足球教練一角本來是由武術指導劉家良師傅的胞弟劉家榮出演，同時劉家榮亦是《少林足球》的武術指導，不過卻因一理由辭演，王晶表示：「拍拍吓佢（劉家榮）就已經覺得唔啱，同埋佢嗰啲武術設計就唔係佢（周星馳要求）嗰啲飛嚟飛去，劉家榮亦都好唔鍾意嗰啲飛得咁緊要嘅，結果就辭演。」最後周星馳才找吳孟達幫忙演出，再找程小東做武術指導，最終效果亦非常好。王晶指雖然拍《少林足球》時，吳孟達與周星馳交情已不及當年，不過吳孟達一直容忍，「同我差不多啦，好多嘢都係忍讓啦！大家一場朋友有咩所謂，你要我救場咪救場囉！」
其他文章：
周星馳愛將變「修腳大亨」！內地搞生意有聲有色 靚老婆豪言一年開100間
最新回應