郭富城演唱會2024丨祈求壓軸Good Show開心又不捨 答謝在場粉絲大派心心 滿意表現新歌反映心態
2024-08-27 20:15 
郭富城（城城）一共13場《郭富城ICONIC世界巡迴演唱會2024香港站》於紅館舉行，今晚（27日）進行尾場演出，下午於紅館外進行拜神儀式，吸引大批粉絲等候。城城於4時45分乘坐七人車到場，身穿團隊Tee現身的他，帶領一班工作人員進行拜神儀式，祈求一切順利，又齊聲大叫「壓軸Good Show！」。向來愛錫粉絲的城城，亦向在場粉絲大派心心。
對於演出最後一晚的心情，城城坦言很開心也有不捨，演出13場演唱會，今次做到自己想做的事，同對上八次的演唱會有所不同，尤其今次開三面台，在科技追求下讓觀眾在不同位置觀看也睇很舒服，能夠睇到整個製作，呈現最佳狀態，自己頗為滿意表現。他說：「多謝入場睇嘅觀眾，再一次答謝大家。」城城又指自己踏上紅館三十年，今次舉行第九次演唱會，覺得不容易，希望將來帶來多些新音樂、舞蹈及製作。他說：「大家睇到我今次喺台上畫畫，對我來講好新鮮，唔知將來再開演唱會做乜！但係今次反應好，大家都鍾意。我會朝住呢個方向，正如我首新歌《您》嘅歌詞，亦係我嘅心態。」
最新回應