賈思樂難忘羅文過身前瘦弱無力喘住氣交談片段 入行50周年贏盡友誼

賈思樂（Louie）10月9日假香港文化中心舉行《HAPPY TOGETHER 50年 in Concert》音樂會賀入行50周年兼「登七」大壽。入行半世紀的Louie人緣甚佳，其中和已故羅文亦有段值得回味嘅故事。

Louie將於10月9日假香港文化中心舉行《HAPPY TOGETHER 50年 in Concert》音樂會。

一班圈中好友出席音樂會記者會。

賈思樂記得有一次和朋友去了喜萬年夜總會看羅文表演，其他歌手都唱國語歌，唯獨羅文唱英文歌，他的獨特魅力給人留下深刻印象。後來賈思樂加入TVB，終於跟羅文有合作的機會，原來兩人共通點，就是對外表都十分講究。羅文見賈思樂的化妝包如同「百寶箱」，取笑他可會將所有化妝品都塗在臉上？隨後，他們有機會結伴到美國做慈善表演，羅文帶隊到Disco玩，兩人因而混熟，無所不談，相處久了Louie感到非常自在。直至Louie離開電視台轉戰電台十年，兩人一度失去聯繫︰「當時我決定重返樂壇，錄製首張廣東歌大碟，我主動問羅文能否幫我做宣傳？佢二話不說答應，我仲得寸進尺提議合唱。佢唯一講笑話唔要唱情歌。」宣傳當天羅文提早3小時去綵排，十分專業，兼且不收任何酬勞，令Louie深受感動。

賈思樂與羅文在TVB台慶後台合照。

賈思樂與羅文在美國登台後，羅文帶賈思樂去酒吧晚飯。

賈思樂與羅文到美國羅省，為小鎮作慈善籌款。事後鎮長頒發紀念牌和紀念狀以表謝意。

賈思樂到芭達雅慶祝生日，邀請羅文出席生日會。

兩人在芭達雅曬太陽、游水、談心事，友誼越來越深厚。

賈思樂與羅文遠赴英國，參與由TVB舉辦的節目。

後來，賈思樂得知羅文罹患癌症的消息，當時羅文並不太願意見人，但依然選擇跟賈思樂見面。賈思樂憶述說︰「我最後一次見到羅文時，佢已經不似以前，身體瘦弱，但依然帶著微笑同我交談。但只能講幾句就需要躺在沙發上休息，我同佢講『我來主要係為咗望下佢，佢可以去休息唔好勉強同我傾偈，等佢感覺好一啲我哋再見面。但好可惜，嗰次成了我哋最後一次見面。我覺得佢係一個傳奇人物，直到𠵱家仍然冇人能夠取代。佢企喺舞台上，會成為全場焦點。如今，好少有人能夠達到佢呢種境界，只有羅文能夠做到。」

11年前露雲娜和賈思樂舉行過兩場慈善演唱會。

賈思樂撐林穎嫻出書。

羅文係舞台王者。

賈思樂曾在個唱中載歌載舞。

羅文跟甄妮好合拍。

賈思樂、陳玉蓮有短暫情緣。