颱風摩羯｜新蒲崗夾公仔機遭強風吹冧 網民笑言：魔羯夾唔到公仔發老脾
2024-09-06 20:04 
超強颱風「摩羯」襲港，為本港帶來猛烈陣風及驟雨，令香港天文台昨日（5日）傍晚發出今年首個八號風球，新蒲崗一間夾公仔舖頭在橫風橫雨下繼續照常營業，但其中一部夾公仔機不敵強風被吹倒，跌出行人路，玻璃碎片四散，機內獎品散落一地。有街坊目擊事發經過，拍下事發後現場的照片，之後引來網民熱烈討論，笑言「摩羯」未能成功夾到公仔而「發老脾」。
根據網上圖片所見，一部放在店門旁邊的夾公仔機被強風吹冧，跌出店外，玻璃碎片散落一地，機內多盒洗衣珠亦跌出。
《星島頭條》記者今日到涉事夾公仔舖頭視察，發現店舖如常營業，但捲閘則落下約四分之一，而受損的夾公仔機則被放在靠牆位置。至於店外的帆布簷篷支架損毀，仍未進行搶修，馬路則遺下少量玻璃碎。
有網民笑言魔羯因未能成功夾到公仔而「發老脾」，但亦有人指摩羯風力「唔惹小」，形容當時現場有商店簷篷被吹得猛烈搖晃，亦有髮廊招牌搖搖欲墜，可謂風力非常強勁。
最新回應