我談的那場戀愛丨吳君如想18歲囡囡俾人呃吓攞個經驗張錦程唔敢問19歲囡囡有冇拍拖

2024-09-18 19:13

吳君如、張錦程、陳昭煊、何求、李煥林今日（18日）出席電影《我談的那場戀愛》謝票場，該片上映截止今日（18日）下午三時半為止，票房超過500萬。吳君如的另一半陳可辛亦現身戲院支持。身為「機動兵工廠」旗下藝人的何求與觀眾見面時談及戲中角色，張錦程問他的老闆鄭中基為何不到場，何求笑言老闆要開演唱會，對方也有幫忙在戲中飾演吳君如的前度。

吳君如及張錦程等演員今日出席電影《我談的那場戀愛》謝票場。

對於票房超過500萬，吳君如坦言很開心，獲得此成績很好，今次由新導演執導，題材又新鮮講及網騙，又爆謝票時有不少觀眾分享被騙經歷，原來大家寧願騙財好過騙色，自己也有試過電騙經歷。她說：「有次接到電話錄音，我揀廣東話都係國語人，我有時間咪同佢玩，原本cut線，佢又打嚟仲質問我為何掛線！就算呃人都呃好啲呀。」君如笑指女兒同學的媽媽們睇過該片，表示一定帶朋友入場睇，好似很警世。張錦程笑言也要帶19歲囡囡入場睇戲，因為囡囡容易被呃又耳仔軟，最擔心囡囡被人騙心傷害弱小心靈，所以教囡囡上網傾計先，為人要觀察更多，不過不敢問囡囡可有拍拖。

君如大爆謝票時有不少觀眾分享被騙經歷，原來大家寧願騙財好過騙色

張錦程笑言也要帶19歲囡囡入場睇戲，因為囡囡容易被呃又耳仔軟

君如也有電騙經歷。

在旁的吳君如嘆氣指囡囡陳是知冇拍拖，又認為18，9歲女生要有感情生活，女兒性格有少少高傲。她說：「我同囡囡好似朋友相處，佢4歲時已經問佢有冇喜歡嘅男、女同學！大個之後冇遇到喜歡，明年佢讀大學，希望佢呃人又好，人哋呃佢都好，呢啲都係經驗，唔好傷到個心就得啦！我會密切關注。」提到10月1日國慶日全港戲院半價收費，君如大讚好事，女兒也睇過該片兩次，因為很崇拜她，快將上大學的女兒想修讀表演系入行做演員。問到是否想做接班人？君如說：「唔知佢有幾搞笑，個女嚴肅啲！」

張錦程則呼籲更多人入場觀看該片，並透露有觀眾指睇過5次，反而叫對方推介給朋友入場觀看。