慈樂邨火警│居民行30層樓梯走火 「走廊好大煙 唔走分分鐘冇命！」
2024-09-21 14:58 
慈雲山慈樂邨樂滿樓29樓一單位發生火警，濃煙升半空，約百名居民須疏散。其中住30樓的居民要落30層樓梯到地面逃生，坦言為人生第一次，因走廊瀰漫煙霧兼「黑忟忟」，他大叫火燭，着鄰居逃生，皆因 「唔走冇命」。
相關新聞：慈雲山慈樂邨夾燈起火燒毀全屋 屋內小童倉皇逃生 警拘祖母涉疏忽照顧
居民莊先生住30樓，起火時警鐘大作，「一睇真係火燭，一行出嚟，成條走廊煙好大，我大叫火燭呀，快啲跑，唔走冇命」。他與5至6名鄰居一起行30層樓梯落地面，「冇試過行咁多樓梯，人生第一次。」他指走火期間無混亂，與幾個街坊一齊行樓梯走落地面，「唔走，真係分分鐘冇命！」
他指平時試警鐘無事，「呢次有事，我叫大家走，驚啊，分分鐘冇命！」他說一年會有幾次試警鐘，「次次警鐘一響，我就出嚟睇，唔睇一定有一次有事的，唔係次次都冇事㗎！」慶幸今次火警無人受傷。
最新回應