林建明余慕蓮因一件事「炒大鑊」？與老公曾展章結婚逾30年竟有遺憾事
2024-09-21 19:30 
今年10月即將踏入70歲的林建明，縱橫娛樂圈半個世紀，相識滿天下，近年過着半退休生活的林建明，不時相約圈中好友見面，其中一個就是余慕蓮。87歲的余慕蓮近年曾經歷耳石困擾、血液炎、肺纖維化重病並入住ICU，幸好走出鬼門關，身為好友的林建明不時探望余慕蓮，但原來早年兩人在一次旅行，發生不愉快的事。
相關閱讀：余慕蓮入住護老院近況曝光！下午茶食糖水精神好 林建明代報平安
林建明余慕蓮旅行炒大鑊？
87歲余慕蓮早前在好友安德尊和米雪的陪同下，死後將財產全數捐出，余慕蓮坦言近來身體狀況轉差，服食標靶藥已無效，現時已轉為服食特效藥。余慕蓮多年前曾因肺纖維化入院，當時好友林建明不時透過視像與她聊天解悶，時刻關心情況，甚至出院後亦不時探望兼相約見面，可見兩人感情深厚。日前林建明現身鍾慧冰的YouTube節目《冰姐的花樣人生》，鍾慧冰稱林建明曾與余慕蓮去郵輪旅行「炒大鑊」，為此，林建明說：「我哋冇任何嘢，只係嗰一刹那佢嘅感受。」
林建明與余慕蓮因一次郵輪之旅「炒大鑊」
重提當日情況，林建明說：「嗰次我哋去坐郵輪，佢係第一次坐，坐郵輪嘅形態唔似跟旅行團，日日安排好啲節目同全程照顧，佢嘅腦海諗住係咁樣，但係其實喺郵輪係各自各，你可以去望吓海、食吓嘢，總之係任你鍾意，我咪帶咗叠報紙去睇，嗰次咁啱佢同我同房，有一日我一早起身去食早餐，差唔多食完，佢上嚟見我，咪諗住坐低同我食，但係我諗住自己完就走，可能太過直，叫佢唔好坐落嚟。」
林建明稱余慕蓮反應是呆了一呆
林建明稱當時余慕蓮的反應是呆了一呆並說：「佢去咗另一邊自己坐，跟住喺度喊，佢以為我唔想同佢一齊，但其實我唔係咁嘅意思，後來我咪解釋畀佢聽，有一日返房見佢抄電話薄，返到香港就話呢一世都唔會再去郵輪，所以係冇嬲冇任何嘢。」林建明直言兩人一直都是好朋友：「我早二日先去探佢，佢成日都會打電話畀人，我咪做聆聽嗰個。」
林建明退休生活寫意：
林建明與資深電視人曾展章鶼鰈情深
林建明與資深電視人曾展章結婚超過30年，兩人一直鶼鰈情深，但原來林建明對這段婚姻有一件遺憾事，她說：「我生長喺一個冇家庭溫暖嘅人，一直都好渴望有一個完整嘅家庭，過去我一直打拼，有時都覺得好攰，好想有一個伴侶照顧我，但係我有一樣嘢好錯，好多嘢覺得以為係理所當然，特別係婚姻嘅事，始終係兩個唔同嘅人，好難係一樣，我冇做呢個婚前輔導，起碼做完係明白大家需要啲乜嘢，所以結咗婚咪覺得有啲唔係嗰樣嘢，好多時想嘗試去解決，但係有好多嘢係有主宰，無緣嘅話點都留唔到，有緣就點都分唔開，慢慢諗吓，其實好多嘢都係心魔。」
林建明完全不感覺自己年紀大
即將70歲的林建明，對於老去這個問題，她坦言一切取決於自己的心態：「我個心入面長期住咗個10幾歲嘅小女孩，我完全唔感覺自己年紀大，所有喜好同活動都好似個小女孫，不過身體嘅機能係睇到，每5年就有啲變化，有所謂，咪鍛鍊下，喺喜好同運動落啲功夫。」
其他文章：
67歲歡樂今宵元祖級主持機場坐一物代步！曾被傷頭患抑鬱息影 陷雷曼風波一度欠債
最新回應