星8卦丨「四方面」割價霸住做大場第一個 威畀前度心魔放唔低

呢個世界唔好有風駛盡𢃇，因為唔知幾時要返轉頭 。根據「四方面」嘅性格，佢去到邊都係得罪人多稱呼人少 。好似當日全人類睇好，唔覺意北上紅到爆炸，於是就睇唔起出生地。但紅咗一陣又自己覺得感覺良好，同啲幕後班底反晒面，最終又死死地氣返嚟搵出路 。遲啲大場開，佢就話要做第一個，至於係唔係，個場都未起好，咪大家吹住水先啦！

相關閱讀：星8卦丨 「扮勁」狗眼睇唔起人 教仔搵有錢人做朋友 窮人咪埋身

至於隔離飛過零鐘就到嘅地方，個大場就真係落成咗，好多大星都爭係嗰度做第一個，因為好威吖嘛。其實人哋一早欽點咗自己人「叻哥」做首演，老實講一係搵國際超級巨星，否則梗係搵自己地頭蟲，「叻哥」差啲啲就國際化，佢嘅知名度勁過「四方面」好多，就算北上計數，佢都行埋一邊。於是「四方面」諗橋，話可以分成嗰度相就，平時係七三分，今次為搶到頭啖湯，竟然開出六四分帳，畀主辦方同場館分多啲，如果唔夠可以再傾 。

呢啲咪心結囉！當初同「台仔」拍拖，公司唔畀公開，但死都主動話畀人知好甜蜜，最後畀「台仔」飛，仲見到人哋好快結婚生仔，心理好唔平衡，所以成日想係「台仔」主場威到盡，可惜一直未如願，霸大場有七成原因係為示威，認真唔化，人哋都咁幸福，應該放下啦！

其他文章：

星8卦丨「勇仔」後生捱壞身體 頻頻大病連累蝕大本坐冷板

星8卦丨「大仔」愛姐姐「阿媽」經濟封鎖 老竇出手支持幫「大仔」繼續愛

星8卦丨「乖巧」人前人後兩個樣 埋怨公司推job錯失攞獎機會

星8卦丨「敗家」痴迷「平凡」 「正室」靠老爺度橋捉姦保住頭家