翁靜晶以定慧寺醜聞講解重婚、虛報資料後果：張香港身份證隨時就冇咗
2024-09-25 18:00 
翁靜晶昨晚（24日）於YouTube頻道「危險人物2.0」為內地一名農民何志華「尋妻」，稱何太疑重婚、虛報年齡，更曾在內地涉賭博被行政拘留。不少網民都推測何志華的太太會否就是曾接受《東張西望》訪問、近來轉型成為網紅的何太。翁靜晶透露何志華太太在國內未辦離婚手續，卻疑在香港與另一名男子結婚，有重婚之嫌。其實翁靜晶在說出何志華「尋妻」一事前，亦以定慧寺醜聞中涉事者犯重婚罪作例子，講解重婚、虛報資料的後果。
相關閱讀：翁靜晶出片尋「何太」 列重婚虛報年齡兼曾涉賭遭行政拘留三特徵：佢19年起古古怪怪
翁靜晶講解重婚、虛報資料後果：
翁靜晶早年曾揭發定慧寺醜聞，除了指出寺內財政混亂外，亦發現女住持釋智定疑假結婚，當中其中一名與釋智定「結婚」的男子，與何志華的太太的情況相似，同樣在內地有一段未辦離婚手續的婚姻。翁靜晶分享釋智定與商人劉建強（法號釋智強）離婚後，即與一名內地男子如智法師註冊結婚，但原來如智法師在內地有另一個老婆：「佢未攞到香港身份證就畀我揭發咗喇，揭發咗佢係假結婚，仲唔單止噃！因為我查到如智喺中國大陸有個老婆嘅，個老婆係冇離婚嘅，咁唔知點解會畀佢拎到個加拿大護照咁樣……呢啲緊係通知晒入境處啦，咁佢哋啲身份證就當然有發生問題啦！即係最簡單嘅講法，如果你係用啲唔正途方法，就算你喺香港結咗婚都好，如果畀人揭發咗你喺大陸仲有一段婚姻係未解決嘅話呢，咁你張香港身份證呢，隨時就冇咗㗎喎！」
相關閱讀：翁靜晶講解「一晚五次」論原來暗藏玄機 或與香港婚姻條例相關：原來有人好識法律
釋妙慧夫婦沒如實申報婚姻狀況
翁靜晶續指，當時定慧寺醜聞中，有位小尼姑釋智定愛徒王卉（法號釋妙慧）涉隱瞞在內地已離婚一事，仍以夫妻身份來港獲得香港身份證，翁靜晶表示：「呢個小尼姑來頭不少，佢老公喺中國大陸係上市公司主席，做好大生意㗎，當時佢哋嚟香港係用投資移民嚟。咁投資移民啦，呢位有錢佬呢就申請咗佢太太，即係小尼姑，同埋一對女兒來港，佢哋係用一種受養人身份，即係個老公喺香港攞到投資移民身份證，咁佢個老婆都可以囉噃，同埋兩個女都攞到身份證喺香港讀書。」但其實釋妙慧與老公婚姻早已出現問題，原來二人在內地早已離婚，但二人沒有如實告知入境處，直到警方上門拉人才被揭發。
翁靜晶談何家的親戚關係：
釋妙慧全家香港身份證被收回
翁靜晶透露釋妙慧被老公安排在定慧寺做尼姑，而釋妙慧老公卻與其他女子發展新戀情，甚至可能在內地已有另一段婚姻，「最後當然喺香港被發現咗佢身份有問題喇，問題喺咩地方呢，問題就係當日你入境時，你係一個受養人身份，咁你都冇咗個老公，個老公都唔係同你一齊喇，你點樣仲可以憑住呢個老公嘅受養人身份去攞香港嘅身份證呢？最終入境處點樣對待佢哋呢？最終個小尼姑就冇咗張香港身份證，取消咗喇，個男人都冇咗喇，咁兩個女都要遣返。」翁靜晶指出，如果有人用假資料騙取香港身份證，即使香港身份證已到手，亦可被收回。
翁靜晶更表示：「仲有更多問題會衍生啦，如果同入境處虛報資料，係犯罪嘅！有啲人做啲咁嘅嘢就唔返得嚟喇。」她又提醒網民，如果未搞清楚婚姻關係，或者在內地有另一位配偶，但申請來港時沒有如實申報的後果：「偷呃拐騙喺香港搵個人結咗婚，畀你攞到張結婚證書、身份證、公屋……都可以攞返。」
其他文章：
最新回應