中年好聲音3丨伍耀東自爆係「軟飯王」 陳嘉琦曾是05超女五大美女之一
2024-09-29 22:46 
《中年好聲音3之決戰大灣區》 今日（29 日） 播出， 評審團有肥媽、張佳添、周國豐、巫啟賢和曾路得，今集輪到大灣區賽區餘下10位參賽者出場。當中現年38歲報稱是網絡主播的潘紹麟賽前自言是「比賽專業戶」而備受關注，惟焦點似乎被39歲的伍耀東搶去，因為他在台上竟自爆是「軟飯王」。此外，40歲的顏值擔當網絡歌手陳嘉琦亦於今集閃亮出場。
相關閲讀：《中年好聲音2》再有喜事！38歲「翻版容祖兒」低胸透視性感出嫁 巨型鑽戒成焦點
《中年好聲音3》有位「軟飯王」？
潘紹麟參加不過少大型音樂選秀節目，如《快樂男聲》、《中國夢之聲》、《中國好聲音》等，自言是「比賽專業戶」的他今次再參加比賽是希望圓夢，他說：「有一段時間覺得參加比賽好難， 之後去咗做酒吧歌手，因為要先生活後理想，冇再做酒吧歌手之後，就去咗做直播，就咁一個人空房間對住一個鏡頭，成個傻仔咁喺度講嘢，我嘗試過萬人舞台，亦都試過喺酒吧度得兩張枱，落差感都好大，今次趁住男人四十之前，希望喺唱歌呢個夢想上發光發熱，圓自己心願。」
潘紹麟磁性煙嗓俘虜評審
獻唱《那誰》的潘紹麟憑着一把磁性煙嗓成功俘虜一眾評審，惟比賽完後他表現亢奮，得意忘形地瘋狂搞 Gag，豈料此舉惹來評審巫啟賢不滿，巫啟賢更一度撳熄自己盞燈後說：「你要做一個歌手講嘢時係要收，因為一個歌手要留啲空間畀人欣賞佢嘅沉默、氣質，你唱完首歌我仲喺首歌嘅情緒入面，但你一講嘢我就想撳走呢盞燈，你一開口就破壞晒！」
伍耀東辭職追音樂夢
第二位值得留意的參賽者是39歲的伍耀東，現在是一名博士學生的他曾從事銀行工作7年，後來毅然辭職追尋音樂夢，在酒吧 Busking 時還認識現在的老婆，他說：「因為疫情關係，我冇咗工作，之後去咗考星海音樂學院研究生，當時我係冇任何收入，好話唔好聽，我可以講係食軟飯，我能夠完成呢個學業，係靠我老婆支持我，真係好多謝佢（哽咽）。」伍耀東獻唱《你是我的眼》，其真摰演出大獲好評，對於伍耀東的經歷，巫啟賢說：「有呢個熱情好重要，但要分清楚咩叫夢想，夢想係可以做幾多年？如果你靠呢樣嚟搵錢，佢會變成你一生噩夢，人生每個階段嘅選擇只得一次機會，呢樣嘢留番畀你慢慢諗。」
陳嘉琦是顏值擔當
今集更有大灣區顏值擔當出場，她便是40歲的網絡歌手陳嘉琦。陳嘉琦於2005年曾參加過內地選秀節目《超級女聲》，獲得廣州賽區第5名及全國25強，更被封為2005超女五大美女之一。陳嘉琦當年其實已經簽約做歌手，惟爸爸反對認為讀書比較重要，解約後陳嘉琦北飄了8年，她哽咽說：「個過程都幾辛苦，因為冇人幫你，咩都要靠自己衝去前面，覺得好攰，不知不覺飄咗7、 8 年，2013年就返深圳，返嚟呢10年都有做音樂，但因為要生活，所以都有做副業。」
其他文章：
中年好聲音3丨「翻版陳潔儀」參賽！韓依納歌聲驚艷評判 74歲選手最叻游水練歌
最新回應