曾比特頂替炎明熹演出《央視中秋晚會》：冇話頂邊個 胡諾言讚太太陳琪聲演駕馭得好
2024-10-07 21:15 
曾比特、胡諾言、陳琪、「溜冰女神」馬曉晴、李麗蕊參與港台廣播劇《畢得鳥劇場》，曾比特與馬曉明聲演新婚夫妻，但相處出現不少矛盾，問現實中與女友有否發生拗撬？他說：「冇乜。（因為你冇得say no？）都係，講笑啫。以前我唔係講好多嘢，入行後被強逼性講好多嘢，大家溝通好啲，少拗撬。」他表示若拗撬他會做讓步的一位，亦因經常出埠工作，珍惜與女友相處時刻。問有否結婚計劃？他說一定有，但這兩年要為事業衝刺。談到有指他早前頂替炎明熹演出《央視中秋晚會》，他說：「冇話頂邊個，我係我，佢係佢，很榮幸參與大型演出。」
胡諾言和太太陳琪聲演夫妻，首次參與廣播劇的陳琪直言很緊張，胡諾言讚太太駕馭得來，給予98分。他們表示與小朋友錄音很開心，陳琪有問子女有否興趣客串小角色，但子女卻害怕，不敢嘗試。
最新回應