衛詩雅獲老闆贈鑽石頸鏈結婚禮物 關智斌收金算盤金牌：老闆知我孤寒

關智斌（Kenny）日前於「0 e:ffect Concept Store」舉行《前面是新的歲月記得走下去》爆花彩膠唱片簽名會。簽名會前，Kenny跟剛於華鼎獎封后的衛詩雅（Michelle）驚喜快閃跟概念店相隔幾個舖位的英皇鐘錶珠寶羅素街店。而英皇集團主席楊受成博士更向即將出嫁的Michelle送上鑽石頸鏈、而Kenny則獲老闆送上算盤金牌，認真大手筆。

老闆楊博士向即將出嫁的Michelle送上鑽石頸鏈！

衛詩雅好Surprise！

Kenny咬住老闆送上「算盤金牌」！

Kenny在「0 e:ffect Concept Store」舉行簽名會。

關智斌與粉絲。

Kenny一看到楊博士，即打算送上唱片，可惜被拒絕！

來到珠寶店，將於明年2月舉行婚禮的Michelle順道看看心水首飾，不過原來老闆楊博士早有準備，「我買咗樣嘢送俾你做結婚禮物，但你一定要結婚嗰日戴！係鑽石。」Michelle大呼感動兼多謝老闆，指鑽石頸鏈跟她的婚紗十分配襯，又笑言：「我老公都冇送過咁貴重嘅禮物俾我。」楊博士笑問：「我想問，你老公會唔會呷醋先？」Michelle表示：「唔理㗎啦，唔理佢，唔理後果，哈哈。」除了Michelle，楊博士又贈送Kenny一塊算盤形的金牌頸鏈，Kenny亦十分識做說：「戴住佢一世行運呀！多謝老闆！嘩！好墜手呀！」當Michelle為Kenny戴上金牌時，發現金牌原來是一個金算盤，Kenny即謂：「老闆知我孤寒，知我喺度計數！哈哈。」

向老闆送上唱片慘食檸檬

快閃珠寶店後，Kenny便到「0 e:ffect Concept Store」舉行簽名會，這次輪到楊博士驚喜現身，Kenny一看到楊博士，即着同事拿來唱片打算簽名送給老闆，「最大嘅fans，第一隻要簽名嘅碟，要俾老闆。」不過楊博士竟然拒絕，笑着說：「我唔要、我唔要呀！」慘食檸檬。不過最搞笑是有fans向Kenny送上「別出心裁」的禮物，包括運程書、鑊鏟廚具、Kenny半裸爆肌電話殻等，Kenny說：「呢個手機殼點樣出街用㗎 ？啲人會話你變態喎。」