選角丨謝君豪笑住呻俾學員chur到冇覺好瞓 陳映影久未聯絡陳年緋聞男友MC自稱單身
2024-11-03 17:14 
以選拔演員為主題的真人騷《選角》今日（3日）舉行記者會，節目策劃人兼「老師」謝君豪及主持陳湛文與大部份參賽者均有出席。對於要面對一班年青參賽者，謝君豪表示一點也不難搞，最怕是他們不出聲，但笑言有時參賽者太積極，令他不敢與他們有眼神接觸：「去廁所同放工都唔好望，有時啲課堂完咗，比賽完結都已經凌晨兩點幾，佢哋仲喺度chur。」他指雖然辛苦，但明白他們是因比賽而著緊，故就算冇覺好瞓也樂意幫忙：「個個人都有唔同問題，辛苦唔緊要，見到佢哋成長都好感動。」
陳湛文食螺絲瞓唔著
至於陳湛文就第一次做真人騷主持，做完後覺得強尼與森美好勁，雖然自己在主持方面沒太大天份，但仍然想繼續試：「我都有壓力，因為對住嗰班新生學子，唔可以衰，豪哥就為咗班學員冇覺好瞓，我食螺絲都會瞓唔着。」問到節目若開下一季，是否會參與？兩人都表示想，因為最重要是幫到想演戲的人。
謝君豪開心《焚城》好成績
另外，謝君豪有份演出的電影《焚城》首日上畫票房380萬，成2024年下半年最高開畫票房港產片，他表示開心，又笑言老細肯投資這個題材是癲癲哋，因為需要用好多錢，而且風險也很大，對於他們的月曆被指不夠性感，豪哥即笑說：「同澳洲嗰啲比？叫佢哋學我哋，我而家挑佢哋機，我哋都有濕身照，拍MV嗰陣仲噴濕晒，唔簡單！」
陳映影唔願提陳年緋聞男友
曾與MC張天賦傳緋聞的1號參賽者陳映影表示，參賽除了想跟謝君豪等導師進修演技外，也想識朋友，又指在鏡頭前喊過兩次，但私下就無數次。提到MC，她即落閘表示已是咸豐年前的事：「好耐冇聯絡，而家感情空白，都想專注演藝事業，希望建立演員形象。（怕唔怕緋聞影響事業？）冇特別諗或擔心，我夢想由始至終都係演員，我只係會諗我有幾想做呢樣嘢。」至於46號的王耀宏亦表示曾因很多原因而試過失控爆喊：「人生未試過，唔知係感動定壓力，可能過程覺得好大壓力，始終自己冇做戲經驗，有時見到其他參賽者喊自己都忍唔住。」不過他開心指今次可嘗試不同角色和度劇本，有很大的得著，又自爆以前上戲劇堂開直播時演《無間道》的梁朝偉及黑幫大佬角色，試過不停被網民留言鬧做得差，故令他懷疑自己是否適合演戲。
最新回應