專訪黎耀祥旅居內地中山置業重視兩大要素！超平電費享受智能家居 靠網購嘆世界︱星級品味
2024-11-06 08:20 
港人喜歡北上消費，將衣食住行搬上內地，三屆視帝的黎耀祥都是其中之一。黎耀祥棄深圳、珠海一線城市，用經濟實惠的價錢於中山置業，因為可以遠離繁囂的城市，放慢腳步慢活。黎耀祥親自拆解愛上中山之謎，還教大家活用購物平台，用平民價享受高質素的飲食文化，更化身「地膽」帶大家嚐盡平靚正美食，他大讚內地食肆水準高，並推介必食的精美點心，認真識飲識食。
相關閱讀：王嘉明一原因拒住深圳移居珠海 月租1.2萬逾千呎香洲區海景單位 100人仔食足3餐︱星級品味
黎耀祥中山置業：
黎耀祥與太太Julia今年二月便開始到中山旅居，對於買樓，黎耀祥最重視舒服、心頭好、地段及可靠有素質的發展商。「買樓我唔係專家，事前當然會實地睇環境，主要睇交通及揀心水view，老婆同我特別鍾意大自然，所以我哋間屋，一邊望高爾夫球場，後面望一片山景。都市人平日工作繁忙，休息時想放鬆吓。我老婆好鍾意呢度，量力而為買間心頭好，方便平日返內地工作也好、休息都好，有個relax 地方叉吓電，仲有屋苑配套。」
活用網售食得精明
黎耀祥夫婦生活簡單，很快適應了中山的生活，他說在內地生活，必須學識用「微訊」、「美團」和「淘寶」，「香港幾十年都係揸車去飲茶，呢度乜嘢都可以上網買。我哋而家網購買餸好方便，例如想買一斤菜心，一嚿豬肉，只要滿20元（約22港元）就送貨，有啲要收2元（約2.2港元）配送費，食物質素好，半個鐘就送到！你瞓醒先諗今晚煮咩餸，唔煮叫外賣又得！用咗購售平台後，你會發覺生活進入電腦化、嗰個App民生嘅配套好方便。」而微訊也很有用，因為在食肆掃瞄二維碼點餐，又可以Call滴滴，甚至付款都可以，所以想到內地旅行或將來退休北上生活的朋友，必須學識用這三個app。
電費超平點心好食
黎耀祥夫婦覺得中山最大吸引之處是物價低，電費比香港平90%，他在港每期電費很貴，在中山開齊四部分體式冷氣加乾濕洗衣機，每月電費也只是約1,100元人民幣（約1,209港元）。今次他們帶《星島頭條》感受中山的生活體驗，兩夫婦放假時，通常都會睡到中午，梳洗好後便乘車到中山一間酒樓，此酒樓在大眾點評的評分達4.2之高分。黎耀祥推介必食鮑汁鮮竹卷、蝦餃皇及乳鴿，他純熟地使用手機app下單，還點了鳳爪、黑松露松茸菌燒賣、叉燒腸粉、尖椒釀魚肉、蠔油菜心，埋單347.6元（約383港元），雖然跟港式酒樓價錢差不多，但質素高而且份量夠。黎耀祥笑稱：「呢間酒樓係香港價錢，但食物質素好高，我哋每次帶朋友嚟呢度飲茶，個個都讚好味！」
跟黎耀祥中山「搵食」：
老牌咖啡店必飲「dirty」
之後黎耀祥夫婦帶《星島頭條》去了同區的一間老牌咖啡店，滿滿的文青氛圍，環境清雅悠閒，咖啡和蛋糕性價比高，黎耀祥推介必試「dirty」，「呢度啲咖啡好香好滑，dirty係將expresso倒入凍奶入面，唔會攪勻，飲嘅係個shot同奶嘅分層，但飲dirty，奶一定要夠凍，如果唔夠凍，味道會有啲奇怪。」黎耀祥為太太點了coffee latte，太太Julia亦大讚咖啡香、拉花靚，Julia點了一件tiramisu和一件開心果慕絲蛋糕，她笑指：「呢度啲蛋糕口味唔錯，唔會太甜，我同老公平時飲完茶都會行過嚟飲杯咖啡、食件蛋糕，tiramisu有好濃嘅咖啡味，每次都會叫一件share食。」點了四杯咖啡加兩件蛋糕都只是大約120元（約132港元），平靚正！
最後，黎耀祥帶《星島頭條》去了一個農莊吃晚餐，黎耀祥指他與太太沒有夜生活，平時在中山旅居時，主要都是食飯、按摩，太太會去美甲，他們避免去人多的地方，而飲食好去處都是朋友介紹。他們點了燒鵝、碳烤羊排、蒸膏蟹、乳鴿、白灼蝦、涼瓜牛肉、炒通菜及手打粟米湯，黎耀祥表示：「呢度嘅燒鵝係用荔枝柴去燒，羊架係碳燒，嚟呢度一定要試。」
其他文章：
洪永城老婆開箱深圳月子中心！X萬歎度假式坐月套餐 住靚景巨房仲有醫美服務丨星級品味
夏天都可滑雪！明星熱捧廣州全球第二大室內滑雪場 港姐帶七旬父落場盡興 Patrick Sir囝囝玩到唔願走丨星級品味
蔡思貝體驗廣州塔高空漫遊 離地298米玩吊籠懸空踩鋼絲 （附票價＼樂園設施簡介＼地址）丨星級品味
最新回應