馬浚偉聯同新城多位管理層發文否認年底大裁員：唔好亂作啦
2024-11-09 21:00 
日前有網民在社交平台爆料指新城廣播年底大裁員，引起全城轟動，最近新城廣播有限公司首席營運總裁馬浚偉與新城多位管理層、節目主持紛紛在個人社交平台出Po 回應。
相關閲讀：馬浚偉上任不久惹風波？傳員工計劃向大老闆求助 新城發言人10字回應
馬浚偉聯同新城多位管理層否認年底大裁員：
對於近日有網民發放新城廣播裁員的假消息，馬浚偉就回應：「我哋新城廣播並冇裁員，唔好亂作啦。」，他續說：「現在科技發達，假訊息、假資訊隨時可以誤導讀者！要進行抹黑或者攻擊行為，網絡實在有太多方法！當然我奉勸大家不要亂信，亦要小心別誤墮陷阱！當然更重要嘅，係繼續留意同支持我哋新城廣播和MBOTV！哈哈，多謝大家！」MBO TV台長兼創作總監葉文輝（啤梨）亦出Po：「睇到關於新城嘅花生真係得啖笑，連我日日返工都唔知，大家笑完好快啲聽我節目同睇MBO TV嘞。」
知訊台台長程凱欣也出Po：「身體同一間公司一樣，要健康茁壯成長，也不能讓不真嘅消息蔓延。近日收到有WhatsApp問到關於新城傳出裁員消息，辟谷對身體有很多好處，同樣「辟謠」也重要，不能讓不盡不實，流言蜚語發酵蔓延。」財經台台長魏美珍與主持胡孟青在財經台「開市直擊」節目中，也提及這則流料：「網民留言話MBO TV，聽都未聽過，實在太難過喇。咁落力演出竟然無人知？咁就等我再次介紹一下MBO TV，有聲、有畫；可以聽、可以睇！專業分析、貼地演繹！以後記得逢港股交易日上午11時至12時收睇直播，支持我地！近日太多朋友問到公司裁員消息，無法逐一澄清，請大家準時收聽同收睇「開市直擊」搵答案！」
新城廣播藝人經理人及項目總監范振鋒今日（9日）與思敏返新城主持《開心大派對》節目，阿范表示一路無聽過新城裁員，反而見到公司（新城）最近請咗好多人：「依家要做假新聞好容易，搵鍵盤戰士打手。反而自從COO馬生入主電台後，電台新景氣，改革好咗好多，新城多咗好多活動及宣傳，生氣好好多，11月其中有一日，連搞三單event，大家嘅士氣好好。」阿范更歡迎發放假消息的人聯絡他：「放假消息朋友，有咩唔明或誤會，可以搵我，我可以安排當面搵馬生傾下。」思敏反而欣賞：「馬生好肯用錢在科技上。」更在社交平台出Po：「如果新城有吉位多出嚟，我絕對會將我嘅私人物品擺喺公司，慳返啲。可惜！我依家要繼續借迷你倉，因為個個位都有人㗎！」
其他文章：
新城台慶2024丨張可頤現身新城台慶講Talk 與馬浚偉因拍劇結緣 暫未與TVB洽談拍劇工作
最新回應