星8卦丨「組織」出街食飯成日搵着數俾人唱 單獨各自各又變正常人

一班人聚埋自然幾個墟，但對啲有少少知名度嘅姐仔，大家都覺得好難服侍。近期比較活躍嘅「組織」，成班後生女志趣相投，見自己有名氣，出去食飯就好有態度，嫌三嫌四，要房間要有私隱，又覺得益咗人，連房錢或最低消費都唔肯畀，我係明星嚟你度食飯已經係宣傳，其實你唔應該收我錢添呀。可能成班咁高咁大嘅女仔喺埋一齊，就係要借呢啲機會表現自己與別不同啩？

相關閱讀：星8卦丨「姣精」害「直男」形象全毀 正牌炮友「咸濕」偷笑甩身

但奇在佢哋各自分開又會變返一個好易相處嘅人，好似「靚妹」平時鬼咁易話為，食茶餐廳都好鬼好人完全唔介意，仲話平靚正有香港特色，另外一位「高貴」優雅斯文，約佢食飯完全冇意見之餘，成日話食乜都咁開心，訂埋位仲同啲老闆好老友，客氣又禮貌，而且非常捨得食，一啲都唔孤寒。

問題係「組織」一吹雞話食飯，班姐姐即刻麻麻煩煩，就會好多條件同啲食肆講數，搞到好多餐廳而家知佢哋嚟食飯都嗌頭痕，攞着數之餘，仲要要求多多，喺業界之中已經傳開晒，雖然明星效應總有餐廳需要，但唔係個個頂得順呢種太誇張嘅自我感覺良好架！

 

其他文章：

星8卦丨「唱將」生完仔復出搵錢 扭擰揀Job計劃再生幾個

星8卦丨「青筋面」耍手段擦「福伯」鞋  攞大獎人緣心地差依然冇運行

星8卦丨「大隻」以為嫁硬「才華」被拋棄 搵個男人扮結婚激將法害自己下半生

星8卦丨「凍凍」為生活畀「書生」嫌棄 遇「英俊」搭棚呃身家苦命女人

星8卦丨「妹妹」被老豆拋棄艱苦養家 「猛爺」重拾初戀愛得認真