胡慧冲失魂仆親腳受傷流血 《冲遊10》34E黃婧靈泳衣放題壓軸丨獨家

TVB Plus熱播中的第10輯《冲遊泰國》除了有胡慧冲（Roger）和「冬蔭家族」成員，爆紅的鄺玲玲、嫁得好的冬蔭妹等外，仲加入E CUP「咪神」 黃婧靈（波波）壓軸登場。節目中波波泳衣放題大派福利，由一件頭火紅色開窿泳衣，到露半球的三點式，大晒34E Big爆身材，搞到Roger都失魂仆親，腳部受傷流血。 採訪：方騫平

黃婧靈在胡慧冲主持的《冲遊泰國10》性感登場。

Roger帶波波見識泰國。

兩人品嚐巨型龍蝦。

參觀真理聖殿，波波充滿公主feel。

胡慧冲、黃婧靈一齊坐馬車。

兩人好合拍。

波波摸猛男胸肌。

波波成為女王。

26歲黃婧靈是新一代「TVB咪神」，今次她為Roger芭堤雅篇處女下海，首次着泳衣拍節目。Roger爆波波身材養眼到，嚇走原先在泳池游緊水的泰妹，要「讓路」俾波姐獨霸個池，至於他就追住波波拍攝搞到仆親流血。

波波被網民指身材似「生命麵包」。

Big爆身材波波嚇走晒同池的泰妹。

波波火紅色穿窿泳衣好誘人，Roger目不斜視。

波波好性感。

上演濕身誘惑。

波波係新一代「TVB咪神」。

波波笑容和身材一樣吸引。

波波首次做節目着泳衣。

波波對做旅遊節目大感興趣。

胡慧冲唔介意畀黃婧靈搶鏡。

34E黃婧靈泳衣放題。

Roger憶述說：「佢真係搞到我流血呀，不過唔係流鼻血，係對腳損咗流血。因為嗰日趕住去拍嘢，泊好車就快快落車，冇為意原來泊近坑渠，因而唔小心踩咗落坑受傷，好彩只係皮外傷。」最初Roger對新拍檔存在疑慮，驚大家年紀有段距離會好核突，好彩似兩兄妹。他又大讚波波聽教聽話，口齒伶俐：「佢做開電視懂執生，唔使我教佢講對白，兩人互窒效果好好，派福利同時係好笑嘅，期望再有下輯再合作。」

今輯「冬蔭家族」傾巢而出。

「冬蔭家族」成員「叉燒姐」鄺玲玲身材好好。

喺《沖遊泰國7》中，當時做女時嘅冬蔭妹泳池嬉水。

33D冬蔭妹曾經係性感擔當。

見紅係好徵兆

問波波怕不怕搶晒Roger鏡，她笑說：「佢先係《冲遊泰國》主角，我呢啲做細嘅多得佢帶我去見識同睇到泰國好多有趣嘅地方，呢次初體驗好刺激及興奮。」今次她出動8套私伙泳衣，唔同顏色及款式都有，笑言似彩虹戰隊。對於搞到Roger受傷，她不好意思說：「見血代表個節目會紅，大紅大紫係好徵兆呢。」