Anson Lo 坦言現況「前所未有peaceful」劇透明年三大計劃一月初舉行「驚天」音樂會神徒冒雨商台應援支持

2024-11-15 20:45

「教主」盧瀚霆（Anson Lo）今日（15日）他現身商台接受《叱咤樂壇》訪問。

「教主」盧瀚霆（Anson Lo）早前推出今年最後一首新歌《致我》，今日（15日）他現身商台接受《叱咤樂壇》訪問，雖然外面一直下着雨，但亦無阻過百神徒（粉絲暱稱）擔凳仔、擔遮着雨褸，及拿着應援物在商台門外守候，有神徒更在昨晚已到商台通宵霸頭位，向來寵粉的AL今早亦有在IG限時動態提醒粉絲：「下雨天小心呀，互相照顧~」；可能天雨路滑影響交通，AL 在接近開咪時間中午12時30分才到達，見他以外套配牛仔褲兼眼鏡look 現身，並在商台正門落車，雖然時間相當急趕，但他亦有停下來與神徒揮手微笑，然後急步衝入商台。

今年年初，AL曾許下承諾希望可以做到work life balance，訪問中他解釋主要是因為過去三年工作壓力比較大，精神健康都不是最佳狀況，所以希望有多點時間整理一下自己；來到年尾，他坦言覺得自己都算做得幾好，被問到現在的他狀況是怎樣？他表示：「前所未有嘅Peaceful，放鬆咗、好多神徒都留意到我呢大半年出席活動，對住媒體訪問都從容咗，個人冇咁緊張，講嘢大膽自在咗，我對大眾恐懼、驚俾人鬧嘅恐懼等等，可以let go 到。」

雖然外面一直下着雨，但亦無阻過百神徒（粉絲暱稱）擔凳仔、擔遮着雨褸，及拿着應援物在商台門外守候。

AL 在接近開咪時間中午12時30分才到達。

他以外套配牛仔褲兼眼鏡look 現身。

AL完成所有訪問後，大約下午3時20分離開商台。

門外大批神徒立即起哄大叫，他走近欄杆接收神徒的禮物。

不時向他們揮手、做出心心動作及送飛吻。

雖然一直下着毛毛細雨，但亦無阻教主的心情。

不停接收禮物。

Anson表示現在的狀態是：「前所未有嘅Peaceful，放鬆咗。」

Anson Lo說現在對大眾恐懼、驚俾人鬧嘅恐懼等等，可以let go 到。

他又提到自己個性喜歡衝，不喜歡停下來，所以要他放慢腳步是一個大挑戰，主持梁文禮即笑言：「你阿媽係個名賜個『霆』字俾你，叫你得閒要停吓」AL即搞笑透露：「唔係，我阿媽細個有同我講過係雷霆嘅意思，要衝！」問到他當日如何跟公司申請希望放慢腳步，AL直言：「考慮咗個零月先講，因為我想睇定啲，會唔會純粹因為嗰排好大壓力，做第二樣工作會唔會好呢？最後發覺都唔關事；都係同花姐講，佢第一個反應係絕對支持：『終於肯停啦，梗係好啦』因為佢地都好清楚我狀況。」

今年多了me time 的AL，原來亦不斷增值自己，他表示這一年多了上堂學唱歌，以前一星期一堂，而家一星期三堂，他坦言對於live 的演出有好大幫助。問到平日用什麼方法練氣，他透露每日返屋企沖涼前，都會做sit up及原地不停跑，而去健身室就只做舉重的運動。

問到2025大計，向來被封為「劇透Lo」的AL就大派福利，披露明年三大project，他表示先會繼續未完成的電影；然後，一月初他會與另外兩個單位合作在香港舉行一個音樂會，他表示：「一個驚天大合作，有好多我未表演過嘅曲目，亦會呈現唔同style嘅Anson Lo，呢一個show係我入行以來參與過最特別嘅一個rundown，幾得意」他更表示知道買飛方法好難，但亦希望大家會支持；接著，年中有機會出個人大碟，未雨綢繆的他更已錄製了幾首歌曲，希望能放入大碟，其中有一首歌是送給神徒的，不過，其後AL 又戴定頭盔表示：「啲歌做定啫，我話希望咋，出唔到咪自己聽都得嘅。」而重磅劇透，是他將在年尾會舉行個人演唱會。