毅行者｜14小時順利過關釗峰米露迪完成毅行者

2024-11-17 13:51

第40屆樂施毅行者賽事，歌手梁釗峰與藝人米露迪及兩位山友合組「食山菜」出擊，參加40公里特別版本，最終以14小時完成平安賽事，賽後合照留下難忘一刻。

釗峰與米露迪及山友合組「食生菜」參加毅行者。梁釗峰IG圖片

釗峰與藝人米露迪及兩位山友Leung Hong Kiu及Chong Hin Fei Jimmy今次組隊參加毅行者40公里版本，經過14小時後終於完成。賽後，釗峰及米露迪分別在社交網寫文發表心聲。

釗峰寫道：「終於知道咩叫毅行者。浸腳、落雨、tiramisu路，一次過滿足晒三個最怕嘅惡劣環境，我為與隊員順利完賽感到自豪。」

第一次參加毅行，人生第一次做樂施大使，沿途見到無數泥漿路(尤其係落斜麥二三路段) 真的，有誰冇想過放棄？但每一次都會同自己講，我有隊友繼續撐緊，我有support team支持緊，我玩緊係彰顯毅力嘅毅行者，出嚟『行』，預咗要有『毅』力唔放棄精神。呢14個幾鐘，只係抱住一個信念，行好目前嗰一步，冇多啦。最後我哋做到，『安全返到終點就係世界第一。』」

米露迪則表示，在Tiramisu x 珍珠奶茶嘅泥槳放題下，再加上大雨不停洗滌嘅靈，全程48K 14個鐘齊齊整整安全返終點，「食山菜」達成目標。米露迪回憶說：「不斷聽到有人大叫，不斷聽到有人在我前後左右跣低躂低，然後我畀咗個目標自己，要保持patpat乾淨完賽。於是我hold實個core，再用7年空姐嘅平衡力經驗。阿媽~~~~我得咗啦，無跌低過呀！」

「食生菜」順利完成「40周年限定版」賽事，並且拍照留下難忘一刻。這個40公里版本，隊號4048 以5小時46分鐘率先完成，隊員包括曾福祥、曾進傑、陳家強、吳瑋曦。100公里組別方面，冠軍是隊號8049的外籍跑手隊伍，成員包括Ryan Whelan、Jeff Campbell、Alex Neyrinck、Lodewijk Vriens。他們以11小時42分39秒首先抵達屯門哈羅香港國際學校終點。以本地跑手楊志成、黃國威、莫偉雄、鄭子洋組成的8006隊伍，則以12小時59分15秒得亞軍；中港跑手梁偉業、葉曉明、郭青松、梁成東以13小時7分48秒完成得到季軍。