姜皓文受生理問題困擾！獲妻勸睇醫生 曾自責令弟妹住兒童院？
2024-11-23 20:30 
姜皓文近日為TVB綜藝節目《與天地對話》擔任嘉賓，首集在周一（18日）已經播出，在節目上，姜皓文挑戰對搭飛機有恐懼，經歷一日半、轉足三程飛機才抵達目的地南也門。硬漢子形象深入民心皂姜皓文，在首集談到小時候的遭遇，姜皓文感觸落下男兒淚，一度要cut機冷靜情緒。在昨晚（22日）播出的一集，姜皓文坦言人生因得獎而陷入黑洞，還經歷人生最大遺憾。
與天地話對話丨姜皓文因得獎而陷入黑洞
TVB全新綜藝節目《與天地對話》首集在周一（18日）已經播出，節目一共十四集並由鍾鎮濤聲音導航，四位嘉賓姜皓文、林盛斌、蔡思貝和余文樂輪流登場。本周首位登場嘉賓是姜皓文（黑哥），他踏足全球最貧窮國家之一、位於阿拉伯半島最南端的沙漠地帶—南也門。
相關閱讀：姜皓文稱從未見過生父 罕談身世流男兒淚 需停機冷靜情緒：曾跟過養父姓
姜皓文為小時候遭遇流下男兒淚？
姜皓文因谷峰一句話堅持下去
人稱「黑仔」的姜皓文，80年代初期曾擔任臨時演員，到了1987年參加亞洲電視舉辦的第一屆《電視先生選舉》，贏得亞軍和才華先生後簽約亞視入行，姜皓文在節目上提到做臨時演員的日子，他說：「18、19歲開始做臨時演員，嗰陣叫做餐搵餐食，練精學懶，拍電影有50蚊，電視就35蚊，TVB就貴少少，一句對白就蚊，超時一個鐘就8蚊，試過窮到包租公鎖門，要搵開鎖佬開門，執埋啲嘢就靜靜雞走人。」其後因一次拍攝遇上前輩谷峰，對方的一句話讓姜皓文堅持下去，「實到你嘅，唔好轉行呀，身邊人走晒咪輪到你囉，頂住呀！」
姜皓文拍完《翠絲》後陷入黑洞
後來姜皓文終於捱出頭，在2018年《第37屆香港電影金像獎》憑《翠絲》奪得最佳男配角殊榮，不過竟然令他陷入黑洞，他說：「《翠絲》上咗之後，情緒係好波動，試過無端端情緒好低落，講起套戲都覺得情緒好低。」姜皓文還說：「呢幾年係嚴重失眠到不得了，尤其係出埠做嘢，直頭係瞓唔到覺，我唔知呢啲係咪叫抑鬱，又或者係嚴重嘅情緒病，直到一次太太聽到我電話，佢叫我去睇醫生。」
相關閱讀：與天地對話丨蔡思貝拍節目爆心事忍唔住流淚 Bob開名講舊事擔心唔出得街
姜皓文罕晒與妹妹合照？
姜皓文妹妹一番說話解心結
後來製作組安排姜皓文去了一個無人天地，讓他可以靜靜地與自己談話。 姜皓文多年來心底一直最記掛住，原來是當年無能力照顧細佬妹，他覺得「如果我可以照顧到，佢哋咪唔使入住兒童院？」結果姜皓文妹妹的一番說話，解開了姜皓文的心結，原來妹妹應製作組邀請，拍了一段短片給哥哥，在片中，妹妹說：「我哋細細個跟住媽咪、哥哥同婆婆一齊生活，雖然我好細，但係我依然記得你喺我身邊成日陪住我，呢啲都係我一個美好同快樂嘅回憶，雖然係好短暫，但係呢啲回憶對我係好重要。」
姜皓文一度雙眼通紅並流下男兒淚
聽到妹妹的說話，姜皓文一度雙眼通紅並多次流下男兒淚，他坦言對這個妹妹特別不同：「如果我咁叻仔，可以照顧到佢哋，咪唔使住兒童院。可能有啲好叻，但係我唔夠叻。」不過妹妹續說：「我哋兩兄妹最大嘅感受，就係要面對人生第一次分離，我想像當時你係幾咁無奈、無助與及傷痛，我相信係你人生最痛。但係而家諗返，你喺逆境都係咬緊牙關堅持走過，哥哥，我好想話畀你知，你嘅付出同努力，你嘅堅持，每一個人都見到，而家我哋都長大，我哋嘅經歷令我哋更加珍惜相處嘅時間，一家人齊齊整整，我哋一家人永遠都係咁愛你，一樣咁支持你，I love You，So prond of You。」
最新回應