張繼聰女兒Kakaball直認想演戲阿爸自薦做演技教練 : 唔想帶個女開工，自己俾人鬧 Sinnie@Lolly Talk 配音配上癮

2024-12-01 15:15

張繼聰與女兒張靖（Kakaball）及Lolly Talk 成員Sinnie昨晚（30日）在尖沙咀出席有份配音的動畫電影《魔海奇緣2》首映。謝安琪更與老公和女兒以黑白親子裝出現，至於Lolly Talk成員Tania和Ah Yo亦有來支持隊友。

張繼聰讚張靖配音只用3小時

今次父女檔配音，張繼聰指與女兒是分開配，由於Kakaball年紀細，所以導演講一句，她就跟著講，只需模仿導演講的說話，他指女兒當日只用了3小時，大讚她模仿力高，更指配音當日也要做宣傳外，早上更去學跳舞，問到會否擔心女兒太累？他說：「可能有少少，但佢好快調節好心情，佢已經好叻，同埋最重要係佢做到佢想做嘅嘢。」Kakaball表示喜歡配音，而難度就是中等，問她是否想做演員？她說：「想做（叫爸爸開戲畀你？）Why Not？」不過張繼聰則指拍戲要看機緣：「我一定係佢嘅演技教練，所以我哋兩個都要準備好先，同埋通常開工鬧嘅都係鬧家長，我唔想帶個女開工，自己俾人鬧。」謝安琪就指女兒現時也有學唱歌外，更學打鼓，而張繼聰也有教她寫歌，更笑指女兒似爸爸「乜都鍾意玩」，張繼聰說：「小朋友陪佢多啲，帶佢玩多啲，最後就係玩電話，所以盡量搵多啲興趣班畀佢玩。」不過他指女兒不想學就會停止，自己不會強迫。

謝安琪與老公和女兒以黑白親子裝出現。

今次父女檔配音，張繼聰指與女兒是分開配。

他指女兒當日只用了3小時，大讚她模仿力高。

謝安琪就指女兒現時也有學唱歌外，更學打鼓。

Kakaball表示喜歡配音，而難度就是中等。

其實兒子張瞻亦有到場，坐在母親謝安琪旁邊。

張繼聰笑指女兒似爸爸「乜都鍾意玩」。

問張晴是否想做演員？她說：「想做（叫爸爸開戲畀你？）Why Not？」不過張繼聰則指拍戲要看機緣。

Sinnie透露聖誕與粉絲一起過

至於首次為動畫配音的Sinnie指事前好緊張，雖然有劇本但到真正配音時又是另一回事，而自己NG得最多的是一場向族人宣佈要出海：「好似演講咁，但我平時講嘢心急，係非常之唔切合呢個好有霸氣同莊嚴地宣讀嘅感覺，要配咗幾次先覺得真係滿意，對嘴有好多竅妙，有時廣東話同外語又未必一樣，所以有啲位都要自我調節。」她笑指經過這次後配上癮，日後也想繼續做關於聲音的事情，又指現時看到角色，自己也會在背後用不同聲幫他們配音。至於，到時可能會編排一些比較有聖誕感覺的演出。