林盛斌又再做老竇？無預警下宣布「第五胎」出世 連名字都改好：絕對唔會失禮
2024-12-10 12:11 
有「富貴多仔公」之稱的45歲林盛斌（Bob）與太太黃乙頤（Pearl）婚後育有三女一子，分別是16歲大女林霏兒、13歲的二女林熹兒、10歲的三女林機兒以及7歲的孻仔林道申（Jaye），一家六口生活幸福美滿！林盛斌在今年年初曾表示與太太仍想為家中增添新成員，公開表示要追龍年BB。
林盛斌在無預警下宣布「第五胎」出世
當日林盛斌打破「外父相」宿命，太太黃乙頤為他誕下7磅重的囝囝林道申後，雖然被指「追仔成功」，但林盛斌坦言自己沒有刻意追一個囝囝，而他和太太也是喜歡小朋友的人，所以生出來的是男是女都會一樣滿足，因為小朋友是上天給予的禮物。昨日（9日）林盛斌在結婚15周年的好日子，在無預警下旗於IG宣布：「我哋嘅第五胎，今日出世嘞！」
相關閱讀：「富豪多仔公」太太生B全靠呢個方法？公開秘方最緊要「放鬆」 曾為生B嘗盡苦頭
林盛斌結婚17周年有喜事宣布：
林盛斌結婚17周年宣布第五胎出世
林盛斌多次向外表示希望今年追龍B，在結婚17周年的好日子，他在無預警下在IG宣布：「我哋嘅第五胎，今日出世嘞！」林盛斌更撰文解釋始末，他說：「如果大家有睇開我嘅嘢，應該都會記得，幾年前我喺社交平台post咗一篇文，講關於點解我會用長銀包，有咩好處等等。嗰次出完post之後，引起咗少少搶購長銀包熱潮，據講當時好多嘅名店同埋網店嘅長銀包都畀人買晒，我都收到好多好多朋友問我邊款邊款銀包好唔好，就算去到今日都有好多人走嚟同我講，當年因為我咁講所以開始用長銀包，而發現自己嘅收入同埋財務都有好大嘅改善。」
林盛斌稱老婆一番話對他有極大改變
直到有一夜深夜，林盛斌稱老婆的一番話，對他有極大改變：「我老婆突然同我講『喂，不如，你出一個長銀包啦。』然後我腦海閃過一個名，Believer。我希望將我一直以嚟嘅信念放入呢個銀包度，希望大家用一個貼地嘅價錢買到一個極高質嘅長銀包，而呢個長銀包更加可以好好培養你同金錢之間嘅關係，令你習慣好好對待每一張放入你銀包入面嘅錢，新嘅一年，就可以吸引更多嘅財富去你嘅身邊，我好確信，你點樣對待啲錢，佢哋就會點樣對返你。」他續說：「你見到係有四個「B」字，代表你Believe你會不斷吸引到東南西北四方嘅金錢，你亦都見到個圖案係好似分開咗上下咁，意思就係上通天，下通地，收納天地之間嘅財富。呢個就係我嘅第五胎，今日面世。新嘅一年，希望每一個朋友都可以財源廣進，就由呢一個長銀包開始，記住佢個名：『Believer』，只要改變你個銀包，就可以改變你嘅人生！」
相關閱讀：Bob林盛斌愛妻曾捱980胰島素針！憶患妊娠糖尿病辛酸 婚後誕四胎曾小產
林盛斌吸金力驚人：
相關閱讀：Bob林盛斌揭曾因太寸嘴被「接放學」圍毆 一度埋怨社會：好多人想你死｜與天地對話
林盛斌瓣數多多吸金力驚人
林盛斌近年成為香港的金牌司儀之一，多年來身兼主持、演員及娛樂公司老闆，有傳他的司儀騷平均每場收六位數字的酬勞，最高紀錄試過一年接下過百場！瓣數多多的林盛斌開網店， 吸金力相當驚人。林盛斌早前曾分享「長銀包旺財運法」，並列出使用九大要點和8個步驟：「1. 請你馬上換一個長銀包；2. 最好係要名牌，貴少少嘅；3. 唔好用就咁對摺嗰啲，要有扣或者有拉鍊嘅；4. 將所有紙幣面值順序放好兼同一方向排列；5. 唔好放散紙神沙；6. 唔好放任何單據；7. 經常 keep 住有多少少錢喺銀包；8. 經常保持你個銀包乾淨同整潔；9. 好好對待每一張放入你銀包嘅銀紙。」
林盛斌「長銀包致富」火速被瘋傳
結果林盛斌的「長銀包致富」火速被瘋傳，他直言大概在8、９年前開始有這個習慣，銀包亦越換越名貴：「我發現我嘅財運真係有所嘅提升，我嘅年收入亦不知不覺間一步一步多咗。曾經有一個好有趣嘅統計數字，你嘅年收入（當然未必絕對準確），大約係你銀包價值嘅200倍。信不信由你，反正我信了，亦實踐中！」他還說：「我係好認真想去分享，從呢啲致富嘅論點，其實係帶出一個對待金錢嘅正確態度，你愛錫個銀包，等讓裡面啲金錢住得舒服，金錢都會尊重你，再去吸引其他金錢，呢啲咪係吸引力法則。」
最新回應