曾比特承諾出夠30首歌向女友求婚首派國語歌望做樂迷樹窿丨獨家

2024-12-12 07:00

曾比特（Mike）推出全新國語歌《Talk To Me》，希望歌曲能作為樹窿，幫大家解憂，而現實中他也算個好的聆聽者，但就不太識安慰人。最近他頻頻孖歌唱老師女友Cecillia出現，但否認好事近，因目前是兩人努力發展事業時間，笑言會加快出歌密度，等出到30首歌才考慮求婚。採訪：杜杜攝影：林賓尼化妝:Puffy Tsang 服裝:ZARA

Mike坦言未有結婚計劃，跟女友有共識先發展好事業。

Mike 繼劇集《繁花》翻唱蘇芮名曲《再回首》後，今次再演繹國語歌《Talk To Me》，感覺卻大不同，「之前係電視劇嘅cover，今次真係屬於曾比特內心世界嘅歌，演繹自己作品可以好投入去唱，感覺好唔同。」Mike認為入行以來給人開朗正面感覺，所以希望今次透過歌曲給好的能量大家，「今年都發生咗好多事情，如果都可以有首歌畀大家力量，就係想做呢首歌嘅目的。」

Mike首度推出國語歌《Talk To Me》，望帶給樂迷正能量。

Mike首支國語歌是為《繁花》翻唱蘇芮的《再回首》。

唔識講嘢安慰人

Mike希望新歌成為大家樹窿，現實中他也算好的聆聽者，但就唔叻安慰人，「可能我腦根未係咁快，唔係咁容易分到句說話係好定唔好，仲未學識用好嘅方法去安慰人，都係用歌聲畀大家安慰好啲。」而他做得最多樹窿就是唱歌學生，「我啲學生都係年輕人居多，青春期煩惱比較多，對於前路、入行做歌手都會問我意見，我會以自己經驗同佢哋分析，點樣可以做好啲。」

Mike認為教唱歌有教學相長作用，就算幾忙都會keep住教。

Mike自參加《聲生不息》後，人氣不斷提升。

講到近期頻頻跟拍拖8年、拍檔搞歌唱學校的女友Cecillia放閃，他就笑言：「我本身冇偶包，哈哈！我哋又有間歌唱學校，所以呢段時間會同我另一半比較多畀大眾討論嘅機會。」用到另一半來形容，會否代表跟女友好事近呢？Mike就認為仲要再等多陣，「喺我哋呢個階段真係以事業為主，我演唱會未搞，碟又未出到，搞個演唱會都要30首歌，出夠30首歌我就求婚啦！要努力吓先，𠵱家都出唔夠10首歌，哈哈！」