得寵先生丨鄭丹瑞被揭即興與「燒腩」戴頭罩 盧慧敏心痛謝嘉怡愛犬遭毒殺

電影《得寵先生》上映至今口碑載道，昨日男主角鄭丹瑞（旦哥）、女主角盧慧敏（Amy）、導演兼編劇李志偉（Thomas）、電影剪接梁汶珊（Emily）和剪接顧問唐偉榮（阿Wing）與香港演藝學院學生分享拍攝點滴以及電影細節。期間提到謝嘉怡的兩隻愛犬慘遭毒殺時，Amy眼泛淚光表示：「你可以不愛，但你唔可以傷害...」

Amy呼籲大眾善待動物

Amy痛心表示近日收到很多私訊，有關謝嘉怡愛犬慘遭毒殺一事。Amy引用電影對白再三呼籲大眾善待動物，她說：「『你唔做主人都得，但要做返個人』，你可以唔愛，但你唔可以傷害，因為我哋冇權咁做。」在分享會上，Amy回想起電影的最後一幕，與旦哥於山頭上抱着小狗時真情流露淚崩時刻，她說：「劇本係冇嗰下流眼淚，頭兩個Take同埋試位時候，眼淚已經不停流，喺個心度發出嚟，的確係鄧悅娜經歷過嘅一啲傷痛。」Amy直言在當下已和鄧悅娜結合在一齊。

旦哥、Amy等昨日與香港演藝學院學生分享拍攝點滴。

眾人更分享電影細節。

旦哥坦承起初不喜歡與飾演「燒腩」的狗演員Little，戴着頭罩並排坐的一幕。

Amy亦有分享電影的拍攝趣事。

學生們好留心地聽旦哥和Amy分享。

旦哥表示與狗演員並排坐的一幕，後來有了新的解讀。

Amy亦分享與旦哥一起抱着小狗真情流露的一幕。

Amy與旦哥於山頭上抱着小狗時真情流淚，她坦言眼淚是由個心度發出來！

Amy指當下已和戲中角色鄧悅娜結合了一齊。

旦哥對並排坐一幕有新解讀

此外，電影中旦哥與飾演「燒腩」的狗演員Little戴着頭罩並排坐的一幕，Thomas透露是旦哥即興演出，更坦承起初不喜歡這個安排，但後來有了新的解讀：「開頭嘅時候真係唔鍾意，因為覺得好跳。我定義佢哋兩個相濡以沫，同是天涯淪落人。佳叔同隻狗係同一物種，坐埋一齊，大家都係受咗傷。」