身光頸靚「呃飯黨」出沒 長髮女向男子落手 當街嗌ＸＸ、ＸＸ｜Juicy叮
2024-12-21 12:53 
「呃飯黨」、「呃食黨」等騙徒肆虐香港，近日疑出現「身光頸靚」的變種，有網民甚至直擊一身名牌的長髮女子，準備向獨行男子落手的經過。
身光頸靚「呃飯黨」逐張睇 ＋ 網民爆料↓↓↓↓
樓主早前在facebook群組「灣仔群組」以「兩位專才叫我買嘢畀佢哋食，我攞手機影相即刻轉頭走！」為題發帖，並上載3張在灣仔盧押道拍攝的疑似騙徒相片。
騙徒相關閱讀：港男羅湖遭「美女黨」糾纏實拍全過程 請飲嘢後出事：「佢拉住我唔畀我走！」最後金錢損失咁多
身光頸靚「呃飯黨」逐張睇 ＋ 網民爆料↓↓↓↓
兩濃裝長髮女打扮光鮮
相中的兩名濃裝女子打扮光鮮，揹名牌手袋，一人直髮、一人曲髮。回應的網民不屑地斥「身光頸靚無錢買嘢食？正乞兒嚟」，有人教路「我就好簡單，我就直接講話『我都沒錢』，我就馬上急急腳跑走，不理佢哋了」。
騙徒相關閱讀：「白撞黨」靠WhatsApp一樣嘢食糊 4大常見場景曝光 網民兩招殺退騙徒
網民：西灣河見過呢兩個女人
帖文被轉載至各個不同群組繼續發酵，其中在facebook群組「筲箕灣西灣河關注組」，留言的網民形容兩人為「乞幫中淨衣派」，另有不少區內街坊似乎認得兩人，點相稱——
•「我前兩晚喺西灣河見過呢兩個女人，喺我隔離想叫住個單獨一個人行嘅男人：先生、先生！」、
•「我都試過喺筲箕灣見過佢哋，叫我介紹佢哋有咩好嘢食，但係要我出錢買。我最後拒絕咗」、
•「我喺柴灣港鐵站見過」。
騙徒相關閱讀：「少女睡衣黨」屯門周街開價 問人攞$5做呢樣嘢...... 街坊爆3大出沒熱點
身光頸靚「呃飯黨」逐張睇 ＋ 網民爆料↓↓↓↓
網民：黃大仙見過佢哋兩個
在facebook群組「香港時事」，兩名長髮女子也被回應的網民點了相：
•「我喺黃大仙見過佢哋兩個」、
•「我噚晚揸車喺觀塘見過佢兩個」、
•「咁似早幾個月喺大埔叫人請食飯嗰兩個大嬸嘅？」、
•「我遇過三次，兩次喺北角，我叫佢去北角警署或者關愛組。即轉頭走」。
騙徒相關閱讀：西環變種「呃食黨」唔要錢改要ＸＸ 苦主矇查查破財：我係咪俾人呃咗啊？
身光頸靚「呃飯黨」逐張睇 ＋ 網民爆料↓↓↓↓
騙徒相關閱讀：借錢呃食黨新招登場 Gel頭大叔竟用呢個藉口討飯錢 網民爆料：肆虐屯門
網民：旺角砵蘭街遇過佢兩個
在facebook群組「Hong Kong Nightlife」，有網民認出相片在「灣仔盧押道」拍攝，另有不少人留言大爆兩名女子的行蹤——
•「喺元朗見過」、
•「佢哋昨天去了（港鐵）屯門站」、
•「個裝好濃呢兩隻係大埔墟街市後後面停車場搵食，點解行出大街」、
•「旺角砵蘭街遇過佢兩個，當時仲有個小朋友（2,3歲）叫我買飯畀佢食，都唔知有咩用心！」。
還有人說出了「呃飯黨」的行騙手法警世：「冇錢食嘢只係開場白，之後你應佢，佢就話銀包唔見咗，冇錢搭車去機場，之後你再應佢，佢就話冇錢買機票⋯⋯！見到呢啲直接帶佢去警署，話去提款就可以」；還有人教甩身兼整蠱方法「下次你話帶佢哋去食buffet（自助餐），擺低佢哋之後就走囉」。
盤點身光頸靚「呃飯黨」出沒地點
綜合網民的回應，相中的兩名長髮女至少曾在以下地點出沒：
灣仔盧押道、西灣河、筲箕灣、港鐵柴灣站、黃大仙、觀塘、大埔、北角、元朗、港鐵屯門站、旺角砵蘭街。
騙徒相關閱讀：「呃飯黨」使美男計？ 上水赤膊漢疑專向女士下手 遭貼街招數臭
最新回應