何珮瑜未有對象生BB首演媽咪過足癮開心孖伍詠薇吉林拍旅遊節目丨獨家

2025-01-17 06:00

何珮瑜（Jeana）近年定居北京，早前趁出任澳門電影節頒獎嘉賓返港，她坦承希望有日可上頒獎台領奬。她早前首次拍旅遊節目，開心跟伍詠薇等同事到吉林拍攝，她希望未來能多拍這類節目。講到任女主角電影《想見你》中首演媽咪，一直恨生BB的她，直言過足媽咪癮，但談到搵對象就隨緣。採訪：杜杜攝影：譚志光場地:Grotto

踏入新1年，Jeana最希望拍些有正能量作品，「會令人覺得溫暖同有所反思。」

Jeana早前出席澳門電影節，還首次出任頒獎嘉賓，「以前有出席電影頒獎禮，但係負責頒獎都係第1次，原來都好緊張，但可以同英國導演Bizhan Tong一齊頒奬，之前大家有溝通吓，喺台上有人喺隔籬就冇咁驚。」她坦言希望有朝一日自己都可以企上頒獎台，「再頒獎都想，但攞獎就更好，不過呢啲都要睇天時地利人和。」

Jeana在澳門電影節跟英國導演Bizhan Tong一同頒獎。

想多拍旅遊節目

2020年為爭取跟家人多點相處時間，Jeana決定到北京定居，所以早前雖然首次拍旅遊節目，孖同公司的伍詠薇、劉若寶、黎峻和朱天到了吉林拍攝，她亦好快適應，「我直情有啲似佢哋導遊，雖然我唔識介紹地方，但東北嗰邊工作人員講方言，我可以聽得明幫手溝通。」試過這次後她對拍旅遊節目更感興趣，「好似今次去咗長白山同天池，有歷史故事聽又有好靚嘅風景睇，可以學到嘢，心靈都可以放假，都想下次再有機會去兵馬俑拍。」

到天池拍旅遊節目時天公造美，Jeana大讚靚到似仙境

Jeana首次跟伍姑娘、劉若寶、黎峻和朱天合作，便有機會一齊玩。

到天池拍旅遊節目時天公造美，Jeana大讚靚到似仙境。

Jeana讚伍姑娘易相處，拍攝完特輯即變好朋友。

講到早前在電影《想見你》中首當女主角外，Jeana還首次挑戰媽咪角色，「我母愛好泛濫，所以同戲中囡囡相處好OK，我仲佢家長保持聯絡。」她笑言今次是過足媽咪癮，「拖住佢攬住佢有啲身體接觸，會覺得好舒服，好過癮，我真係好羡慕身邊朋友有小朋友，有時一個人返到屋企會覺得好空虛，好彩收養咗狗狗『春天』有個寄託。」恨生BB的她，可惜未搵到結婚對象，提到幾年前因誤會未能發展的對象，原來仍保持朋友關係，「做朋友可以更長久，做情侶短期會好開心，後來磨合大家會多咗好多私心、佔有同控制，抱住呢個心態好容易變質，反而做朋友仲好。」