伍富橋化身宣傳大使跑到身水身汗 烹飪高手老婆Shirley創立網店擺年宵「起飛」丨獨家
2025-01-25 14:54 
「億萬駙馬」伍富橋（Alvin）的烹飪高手老婆梁兆楹（Shirley）今年首次在維園年宵擺檔，售賣自家品牌「肉球商鋪」原味、櫻花蝦XO醬及紅燒鮑魚，昨晚獲老友Frincas等到場探班。當晚伍富橋為撐老婆係咁嗌人試食，跑到身水身汗，仲力sell追蹤網店IG可即減10元，又搞笑話like埋他的私人帳號再減多$10。Shirley表示，其實早已萌開網店念頭，但一直未有勇氣，直至朋友讓出半個年宵攤位，故因利成便試水溫。網站由改名、設計、構思、包裝等都由她一腳踢，投資10多萬，還會陸續加入期間限定食品，如蘿蔔糕及糖果等在網店出售，Shirley最開心可以擁有自己事業，唔使只係做伍富橋太太。問到老公如何支持她「起飛」？她大讚老公落力勁sell，仲跑出去買熱飯送XO醬畀人試食，今晚又會出絕招，嗌咪吸客。
作為「宣傳大使」的伍富橋就話兩公婆要互相支持，大家建立自己事業都ok，最開心有唔少行花市市民都認同老婆廚藝，追問Shirley還會在開電視節目《開飯啦》教煮什麼？亦有人上前讚他的歌《和你有些》好好聽。
最新回應