專欄 Will知足球｜行車打倒褪（下）
2025-01-26 07:00 
上星期講過馬利斯卡遇到嘅難題，今個星期講下球員嘅處境，高爾彭馬絕對係球隊重中之重，今季14個入波6個助攻，而隊中無二把手能夠穩定輸出先係最大問題。
尼古拉斯積遜嘅進步依然唔足夠，已經有6場聯賽無波入，表現麻麻哋，有幾場波正正就係佢無辦法拉開領先優勢至兩球，令球隊去到尾段頂唔住。查頓辛祖就埋門能力唔夠強，今季實屬偶有佳作，對熱刺射入天外飛仙嘅一球，其餘時間都幾需要唔同球員嘅輔助，唔可以話表現出眾，而柏度尼圖同馬度基亦都係有類似問題。
無人幫到彭馬分擔
上述一堆翼鋒同前鋒都需要強大信心或者打開局面先會踼得暢順，但係要靠佢哋扭轉局勢似乎有啲難度。所以冬天絕對有需要搵人幫手，真正可以令到「Cold Palmer」唔使孭咁重飛，或者佢啞火時有人可以拯救球隊，唔通阿歷真度加拿祖真係Mr.Right？Willhappy
關鍵字
最新回應