浪花男子大曬廣東話讀粉絲信 分隊演出展示不同面貌 承諾會再來港開騷
2025-01-27 14:45
日本7人偶像組合浪花男子首度襲港,前日起一連兩日舉行亞洲巡演的香港站,昨晚作為整個巡演的最後一場,7子都落力演出,展現帥氣又可愛的魅力,更誠意十足用廣東話讀信,向粉絲表達心意,令粉絲尖叫聲不斷。
一連兩晚演唱會,共吸引接近2萬名粉絲到場支持,7子甫登場就連唱《NEW CLASSIC》、《Join us!》、《Kick Start》等曲炒熱氣氛,成員大橋和也不停叫粉絲「大聲啲」,氣氛高漲。7位成員為了是次港騷更苦練廣東話,人氣成員道枝駿佑自我介紹時更表示:「你哋嘅王子嚟喇。」長尾謙杜則即場睇貓紙,引起爆笑。
浪花男子玩遊戲全程投入
今次成員更有小分隊的演出,成員高橋恭平夥拍大橋及長尾在《Ururiru Rarirari》表演帥氣的舞步,大西流星及西畑大吾以可愛造型獻唱《戀愛防曬》,道枝及藤原丈一郎則分別演奏結他和口琴表演《Precious one》,盡顯7子的不同面貌。浪花男子隨後又配合歌曲《Happy Happy Birthday!!》在台上玩遊戲,率先成功拿到自己Q版汽球的西畑及道枝,立即跑回主舞台品嚐蛋糕,十分可愛。
獻
唱《初心Love》廣東話版
7子在演出期間亦不時晒半鹹半淡的廣東話,大讚「香港好正」、「同你一齊好開心」、「好可愛」、「蛋撻好好食」等。接近尾聲時,7位成員輪流用廣東話讀出手寫信感謝粉絲的支持,藤原說道:「雖然我哋見面唔多,但你哋嘅支持,我哋收到晒。」大橋表示:「我哋會繼續將我哋嘅愛由日本送到香港,所以你哋都要由香港送滿滿嘅愛比我哋。」高橋大讚粉絲的愛是「世界級」,道枝亦表示:「好開心可以同大家交換咁多 『愛』,我相信大家都會遇到唔開心嘅事,如果今日見到我哋可以令大家輕鬆一啲就好喇。」他們又承諾會再來港開騷,叫粉絲要等待,更特別送上出道曲《初心Love》的廣東話版,相當有誠意。
安哥時,組合連唱《勇氣100%》、《SPECIAL KISS》及《Alpha》作結,但在粉絲的熱情呼喚下,7位成員再度登場,並再次感謝粉絲支持,為演唱會劃上完美句號。
最新回應