【三屍命案】疑似女死者分享濕疹經歷 透露「今次真係好難捱就嚟自殺」

屯門新屯門中心發生三屍倫常慘案，剛大學畢業女生，疑不堪濕疹困擾，疑在父親節先以利刀手刃雙親，再以膠袋笠頭注入氦氣自殺身亡。疑似女死者在討論區發文問「氦氣自殺有冇得諗」。除了發文外，疑似女死者兩個月前亦有回答其他網民的濕疹問題，更透露「今次真係好難捱，鎖埋自己係房唔出街，就嚟自殺。」

疑似女死者的網民在「連登」討論區曾發文問「氦氣自殺有冇得諗」，除了發文外，該名網民亦在其他有關濕疹的帖文回覆，分享自己治療濕疹的經歷，指服用類固醇反彈辛苦過濕疹很多，指她現時正經歷這個情況，「以前濕疹幾辛苦都捱得過，但今次真係好難捱，鎖埋自己係房唔出街，就嚟自殺。」

她續指：「起碼反彈半年先穩定，而家啲皮膚已經唔係正常皮膚，連燈都唔想開，鏡都唔想照，我唔會介意人地目光，我只會介意自己啲皮膚舒唔舒服，只要好得番，我理得自己全身疤痕黑印」。