預告明年回港開騷 莫文蔚作病冧爆老公學煲粥

莫文蔚（Karen）慶祝入行25周年，推出首張復刻黑膠碟，並舉行發佈會，現場設價值200多萬的音響播放歌曲，Karen亦分享跟出色音樂人的合作點滴。正進行世間巡迴演唱會的Karen已走訪10多個城市，年底再次踏足台灣小巨蛋，13年未有於香港舉行個唱的她透露，將於來年舉行香港站，令場內歌迷歡呼。

已甚少於香港露面的Karen稱，每逢周末都會到內地進行巡唱，平日就會回港休息，莫媽媽就煲湯給她飲。談到新專輯投資費用是否很多？她笑說：「唔知，唔理，都係正常咁做。」

談及香港站，Karen表示時間及地點都未有定案，希望尋找戶外場地，因是次25周年巡迴音樂會是以戶外場地來設計。她提到過去13年間舉行多次巡唱，都因各種原因沒設香港站，當中就以早年父親去逝而取消。

問她早前如何跟丈夫慶祝結婚7周年？Karen笑謂：「咁啱放兩個禮拜假返咗英國，一休息個人就好攰好攰。周年當日一起身就頭暈，香港唔舒服會食粥，老公唔識煮就上網學，點知好好食，呢一個係好難忘嘅結婚紀念。」