維港會：清潔龍阿德出新歌 Rap住教你滅鼠三式

清潔龍阿德宣傳環境衛生一向多諗頭，而家歌都出埋，認真犀利。阿德噚日喺facebook上載一首Rap，宣傳清潔嘅訊息，引起網民討論。

首Rap叫《我今天出了一首TRAP MUSIC 叫做我叫做KEEP CLEAN AMBASSADOR》，由多個阿德背後的工作人員合力Rap出嚟，歌詞更教大家滅鼠三式，「有人同我講，滅鼠好鬼煩，我話你聽，根本一啲都唔難，斷佢糧封佢路拆佢間屋，滅鼠三式，老鼠郁都唔駛郁。」

新歌一出立即吸引網民注意，紛紛留言讚好，「有冇得買/down嚟聽？幾時出碟？」、「我真係覺得幾好聽」。