維港會：食生蠔驚見生猛蟲拍片提醒惹熱議 網民嘲「食菜都有蟲啦」

醫生不時會提醒進食任何魚類刺身、生或未經煮食的水產都存在感染寄生蟲的風險。有網民在facebook群組「巴打絲打 Facebook Club」發帖，指在本港一間連鎖自助餐餐廳進食生蠔時，發現有蟲，遂拍片提醒「大家食自助餐要睇清楚先」。片中所見，蠔殼內有一條生猛幼蟲浮游。

片段引來大批網民留言，不少人都指生蠔有蟲屬正常，反指樓主沒有常識，「食菜都有蟲啦！又要擺上網咩」、「生嘢一定會有呢個問題，唔關餐廳事」、「所有刺身海產都一定有，以生蠔為例，就算蠔肉無蟲，殼都有蟲寄生......驚就唔好食啦！食十成熟嘅食物一定無事」；另有網民指「夠新鮮先會有條咁生猛嘅蟲架」、「根本冇可能隻隻洗到完全冇蟲」。