維港會：男子離奇飛身插入坑渠 網民估飲醉酒被惡搞

新年開首就飛身跌落坑渠？ 網民在Facebook群組「巴打絲打 Facebook Club」上傳照片，可見一名身穿黑色羽絨及藍色牛仔褲的男子，半身墮入一個馬路邊坑渠口中。發相網民戲言，「跌咗個5蚊」，但實際原因大批網民則眾說紛紜。

男子上半身審入坑渠口，坑渠蓋則被抽起放置路面，身旁還有一頂鴨舌帽及一堆使用過的紙巾。

到底所為何事呢？發相的網民聲稱，只是「跌咗個5蚊」；有人估計是很重要的物品才捨身打撈污水渠，「係執iphone8」，「通常都係跌車匙/戒指/屋企鎖匙」。有人更笑言是「時光隧道」。

亦有人認為，男子是飲醉酒要嘔吐，乾脆直接往坑渠嘔吐；又有人估計，是男子醉酒後神志不清，同行友人惡作劇將男子塞入坑渠；有人反問「點解唔索性推埋成個人落去」、「掉埋落去喇」。或許要等當事人酒醒以後才知道自己一夜之間成為元旦熱話。

不過也有認真網民提醒，「有沼氣㗎...可能佢已經中毒」、「會死人的」。