高海寧飛撲傷手見紅 被黎諾懿嘲「豆腐Ling」

高海寧（高Ling）跟黎諾懿早前於大潭灣碼頭為新劇拍攝外景。飾演特工當然少不了打鬥場面，黎諾懿明知道高Ling論論盡盡，已循循善誘地解釋每個動作，以免她再次受傷，但最終她仍不負眾望擦傷左手仲見要紅，黎諾懿笑說：「『豆腐Ling』又嚟喇！」文、圖：駱震寧

新劇《C9特工》由高海寧（高Ling）、黎諾懿及馬國明主演，開拍至今都發生不少小意外，尤其是高Ling，較嚴重一次，她不慎弄傷後腦及盆骨，幸好沒有大礙。

拍攝動作戲份時，黎諾懿於高Ling身邊不停作指導，循循善誘地解釋會一個動作，以免她弄傷。當他們拍攝一幕飛撲時，高Ling用力過度飛出軟墊，她一動不動，工作人員見狀都非常驚訝。最後她坐起身傻笑，隨後發現擦傷了右手。黎諾懿笑說：「『豆腐Ling』又嚟喇！本來進化到油豆腐嘅，硬啲，今日又變返豆腐。」

黎諾懿呻工作量大增

提到再次蝦碌受傷，高Ling笑說：「蝦碌日日都有，佢哋唔會覺得驚訝！」提到為高Ling改花名為「豆腐Ling」，黎諾懿笑說：「係人都知㗎！佢有upgrade㗎，油豆腐就會無咁散，但都係豆腐級。你都見到啦，佢一埋位就全城戒備，因為每次做親動作都一定受傷，唔知點解㗎喎！佢踩到份報紙都可以扭親，佢係一個好奇趣嘅人，構造係好特別。你見我都有幫佢試晒啲位，將佢嘅受傷程度減到最低。」諾懿笑指她的安全意識跟常人有異，跟她拍劇工作量大增，公司應該將她的人工分一半給他。